我個wedding比一般人籌備嘅時間短，男朋友求婚到我結婚唔夠一年，嗰陣場地嗰啲都未confirm嘅時候就已經睇定deco公司，跟住就開始quote下價。因為嗰陣咩都唔識，就以為啲deco喺唔同地點做唔會影響個價錢，點知發現唔係嘅，有啲場地會有限制。我哋搵搵下就搵到Sole Wedding，佢哋好好，嗰陣時我未定到場又未定到日期，佢哋都完全唔介意答我啲問題，同我講佢有做過邊啲場地係靚或者做到我想要嘅嘢，反而會俾到recommendation我。佢一路無同我講價錢嗰啲，而係好friendly去幫我。

我同佢講話場地應該我去婚展嗰日就可以confirm，可能有啲vendor聽到會唔為意，覺得我係因為唔想join package喺度耍佢，仲有啲係叫我confirm咗啲場同日子先去搵佢哋。但係Sole Wedding喺婚展之後兩日就問我最後有無揀到心儀嘅場，個日子有無咩變卦。我嗰下覺得佢哋好上心，因為我唔係佢嘅客又未幫襯佢，連要啲咩都未話俾佢聽，但係佢會記住我嘅嘢，真係好好啊🥰。

我睇咗佢哋Facebook嘅相覺得係我哋要嘅style，所以最後就揀咗佢哋做全場嘅deco啦。 去到big day嗰日，我喺未影外影嘅時候佢哋已經到咗，嗰日我超忙，我準備march in嘅時候先醒起我未check deco，Sole Wedding嗰邊就閃出恭喜我，話已經幫我搞掂晒deco啲嘢，唔洗擔心，個感覺好好，實物比我想像仲靚。我個package無welcome board佢仲送埋俾我，去到當日我先發現佢哋準備多個油畫架嚟擺個board，好窩心，唔會係咁計加啲咩又要加錢咁😙。

我婚禮嘅主題係藍色嘅星空，我屋企人知道嗰陣係咁嘈話邊有人結婚用藍色，我就話一定會靚嘅唔洗擔心。嗰日我喺戶外訂婚註完冊，佢哋過嚟同我影相嘅時候已經話個場真係好靚，我就話都話會靚㗎啦，用行動證明咗俾佢哋睇😎。我哋有個whatsapp group，佢哋每個月就會send一次backdrop嘅draft俾我睇，開頭佢哋未係好知我哋想要咩，因為藍色星空好籠統，可以係深藍色都可以係天藍色。跟住我俾印咗嘅帖佢哋睇大概嘅感覺想點。佢哋出咗3，4個draft已經係我哋想要嘅嘢，所以就無叫佢哋update啦。星空係好抽象嘅，如果啲星星燈如果太實在又唔靚，如果係好虛嘅星星燈吊過嚟個效果又唔出。佢哋就俾咗之前做過嘅portfolio我睇點樣用啲燈會靚啲，我依家係用緊魚骨燈嘅，係一排排吊落嚟，我都會驚人哋會唔會見到啲鐵線就唔靚，佢就俾好多comment我話唔會，因為佢哋之前已經喺個場度做過一樣嘅嘢，所以個場嘅燈光配合度完全無問題，最後出到嚟真係同佢講嘅一樣😍。

我覺得佢哋可以擺多啲相喺Facebook或者Instagram啦，因為有時我哋想搵啲reference，唔好意思搵其他人做嘅去俾佢哋睇，但係搵佢哋嘅有時已經係佢哋嘅ipad見過。呢一點我都明嘅，因為好多人抄，咁保護返佢自己係需要嘅，不過就要諗下點樣平衡啦👍🏻。同埋覺得佢哋可以俾多少少意見客人，如果客人原本有諗法佢可以好做到啲嘢，但係個客人好lost嘅時候佢哋可能就未必好引發到客人想要嘅嘢。

我會介紹Sole Wedding俾其他新人啊，因為真係好靚，唔想要啲罐頭嘢同自己有諗法嘅新人就會適合佢哋啦。佢哋嘅嘢唔係好多好澎湃，但係個package係明碼實價嘅，話晒俾我聽呢個價錢會有邊啲嘢，如果要enhance先再要加幾多錢。我同佢哋嘅合作好開心舒服，除咗有時我要收工先得閒睇啲嘢，就會好夜搵佢，佢都會覆我，呢個位覺得佢哋都有啲慘，我老公都叫我唔好咁夜搵人🤣。佢哋嘅價錢好合理，成品出到嚟好靚，我哋無同賓客講我哋個場有heme，但係佢哋反而睇得出，之後同我講話全部嘢係一樣嘅，好夢幻，我就知道呢啲係Sole Wedding嘅功勞啦😆。

其實我當初漫無目的咁搵左好多間嘅,上網都睇到好多文章講Deco公司有幾伏,話會有唔應機,追犒唔覆嘅公司。但係Sole Wedding完全唔伏，一開始Facebook撳嚟撳去就搵到佢哋，逐個問下，而Sole Wedding係我搵左咁多間入面覆得最詳細同最有心嘅❤️，唔似其他咁覆得果一兩句。我係擺酒嘅地方個Stage同個Backdrop size係有D奇怪架，唔係一般嘅size，我又對Deco唔係好認識，所以都一路問Sole Wedding，佢哋都好耐心咁答我嘅問題，同埋覆得好快😄。出到黎見面都覺得佢唔chur我要加野嘅，佢都知道錢嘅係我地嘅concern，叫我哋覺得夠就唔洗再加，一啲都唔hard sell，我最後用左佢哋幫我整Backdrop，reception同相簿枱。佢都有事前有開個Whatsapp group，出圖會比好多個版本我睇😁。賓客都讚佢哋嘅Deco好靚，之後我聽返場地嘅同事話Sole Wedding既人好早已經黎左setup，但係果日我太忙冇見到佢哋，不過佢哋都令我好放心交比佢哋😆。其實我唔係好清楚行規出稿要幾耐，但係如果佢哋出稿快D就好啦。我諗鍾意簡單嘅新人，會岩Sole Wedding，作品好立體，好自然，用料都ok，價錢都算物超所值嘅，而且跟得足係最重要。👍