因為當初想係證婚嘅時候有香水吧，所以就上網搵相關嘅資料，一開頭我都有比較幾間唔同嘅香水吧，綜合過香水吧嘅味道、價格之後，就決定SOVOS Perfumery😊。

整個過程都係SOVOS Perfumery嘅Jonathan嘅同我溝通，佢會Send好多資料俾我了解，解講亦好詳細，回覆又快，Jonathan仲提供咗唔同嘅選擇俾我，所以我就㨂咗佢哋嘅產品。🤓 

我初期就㨂咗佢哋嘅香水吧，而係搵回禮禮物嘅時候，一開始我有考慮過小食🍬，但因為疫情關係，覺得賓客又未必會想拎小食番屋企，所以就想搵大家都會用到嘅消毒噴霧，都幾適合現時嘅情況。後期見消毒酒精噴霧都適合，所以都㨂咗佢哋🥰。

後期我同Jonathan溝通想係回禮上加貼紙，佢都好快可以幫我處理，香水吧送貨都非常之準時👍。證婚當日啲賓客係香水吧都玩得好開心，佢哋可以係得閒嘅時候就玩下，Tailor made自己鍾意嘅香水拎番屋企，佢哋都好鍾意消毒噴霧作為回禮🎁。

我一開始揀回禮禮物嘅時候，有考慮過其他紀念品，例如茶包、咖啡包等等，但係都concern婚禮會唔會因為疫情delay，於是都問下其他鋪頭嘅處理方法，其他店舖嘅答覆都係話唔可以改期，而且茶包擺一年都擺唔到咁耐。🤭於是就放棄咗搵茶包同咖啡包依個念頭。

後來我哋喺婚展見到Sovos嘅perfume bar，覺得都幾特別！當時仲有其他嘅回禮攤檔，但兜嚟兜去始終都係覺得同佢哋傾嘢最舒服同埋感覺適合。😌 後來我哋再上多鋪頭一次先落訂，Jonathan介紹得好詳盡，令我感覺到佢哋就係我想要搵嘅回禮禮物。我先生其實唔係太鍾意好濃烈嘅香水，但係一入到去舖頭佢都冇話覺得好唔舒服，反而仲覺得好清新。

佢哋嘅選擇非常之多，想要復古嘅、水果啲嘅、女性化啲嘅都有。舖頭會有一個setting係類似我哋婚禮當日擺嘅perfume bar，有一個實物參考，心裏都有個底。 Jonathan講過話佢哋有同過其他品牌合作，所以我哋對佢都好有信心。當時佢俾咗好多味道我哋聞同選擇，仲俾我哋現場製作咗一支我哋兩個都幾鍾意嘅香水，我哋嗰支都就嚟用完喇～為咗遷就返我老公，選擇嘅香水都唔係好女性，有茶底，感覺上唔係好fruity嗰啲，比較特別。👍🏼

perfume bar除咗提供回禮禮物之外，仲有deco俾我哋選擇，基本款就有兩個。如果想特別少少就要額外比錢customize。就連包裝你都可以自己設計，可以有返嗰對新人嘅特色。😄 後來為咗貼合疫情需要，佢哋新增咗消毒液，不過就冇得溝味，每一樽都係現成嘅味道，而且孕婦、小朋友都非常適用，甚至乎有啲男仔，未必對溝香水有興趣，都有機會會揀消毒液。香水同消毒液我哋都有購買，希望賓客的有多啲選擇空間。🤩

Jonathan佢好清楚知道應該點樣應對賓客嘅訴求，亦都知道點樣去run得smooth d。婚禮當日佢哋派咗兩個職員嚟幫手，雖然我都唔知個運送過程係點，不過就比我想像中好，反應都非常熱烈！我本身都冇諗過最後香水消毒液會剩返十零支，好彩Jonathan有留番啲禮物俾我。😝我發現原來女仔都真係特別鍾意香水，尤其是我阿媽同我阿妹，係食食吓飯專登走去整。唔少賓客都特登影相稱讚話回禮禮物好貼心，有啲人呢就隔一兩日同我講返啲香水真係好香。😎