我覺得首先要讚一讚Sovos嘅老闆好多時都係一腳踢，由聯絡到workshop又要處理客人嘅改期，都好有耐性。👍🏼 從我first approach佢到兩年來改過幾次期都冇收過我錢，仲會根據情況建議新嘅package比我。因為我第一次問佢嘅時候都未有疫情，但係後來被迫將big day拆咗兩日，上年就證婚先今年先補擺酒。係兩年嘅時間Sovos都有少少新嘅轉變，我原本都只係訂香水bar，但係疫情緣故就改咗係香水sanitizer。🤭老闆都有同我update佢哋嘅改變，又會搞個workshop比我試玩同了解，成個過程唔會hard sell，主要都係提供資訊性資料，唔會有壓力，都唔洗擔心話死啦如果唔join會唔會好奇怪。😆

佢哋店鋪嘅環境好cozy，雖然唔係大但係好舒服，所以個workshop都玩得好開心，佢會有成個set up教我點blend香水。我揀咗自己調嘅香味之後佢哋會有record，big day當日就會提供返唔同香水味道比賓客自己溝自己玩。😙講真我覺得sanitizer係依家真係好實用，你諗下香水santizer又精美又可以用到，candy corner長期都冇人食，photo booth我覺得又唔實用。對比之下都好大分別，知道應該揀邊個啦。🤣

同埋我當時係買100支嘅，老闆都有提醒過我話好多時分下分下就冇曬，但係我當初以為有啲親戚應該唔識點攞，以為點都有剩。結果最後就係比老闆講中，一支都冇得剩，我仲要問返老闆有冇存貨，我自己想keep。Big day當日都有朋友走黎問我啲香水嘅銷售點係邊，佢哋想加購，可想而知幾咁受歡迎。仲有樣加分嘅係，香水固然好受歡迎，而Sovos可以係香水個盒度貼上我哋婚宴嘅logo，配合返我成個婚禮好elegant嘅路線，令成件事好consistent。😉

疫情關係我唔傾向選擇candy corner依類型嘅食物回禮，於是就想變成perfume corner，有花有香味又可以做回禮禮物咁。當日個佈景以白色為主，當中有6隻味比賓客選擇。其中2隻係我同先生選擇嘅，另外4隻就係比較清新、舒服得來又特別嘅味道。所以即使某部分賓客平時唔係好用香水，都唔會唔習慣或者覺得好濃。😬promoter會係場地介紹比賓客聽啲香水嘅味道，都可以比賓客即場試下溝味道，對於佢哋來講都係新奇嘅體驗。😆佢哋都好落力咁招呼賓客，全程都好friendly，唔會有一買一賣嘅感覺。另外就係可以入一啲婚禮主題或者係我同先生回憶相關嘅嘢落回禮禮物當中，令到賓客見到聞到都會諗返起當日嘅情境。 除左係回禮禮物之外，我都有額外訂製禮物比我嘅姊妹。🤣令我比較驚喜嘅位係佢哋嘅staff會幫我特別調製適合我姊妹嘅香水，我寫低我班姊妹嘅性格特點。佢哋就會因應姊妹嘅性格搵適合佢哋嘅味道，更特別嘅係如果某一個姊妹特別有M痛嘅情況佢哋係會加入某啲香味來做一個紓緩、療癒、減輕焦慮嘅效果。😍總括來講，佢哋嘅產品好signature，服務都好細心、態度好好。😌我上過去鋪頭3次，佢哋嘅同時都會不斷重複、不厭其煩咁解釋同介紹佢哋嘅香水同理念，唔會有任何怨言。😊