透過巧妙糅合婚禮盛事和香氛感官體驗，Perfume Bar 為您呈獻新穎、獨一無二的互動式香水調配及回禮體驗。賓客能於一系列的香氣中，親自創作屬於自己的香水配方。Perfume Bar 不僅能增添現場氣氛，浪漫優雅的佈置更令您的Reception Area 十分矚目，在迎接賓客時擔當著三重角色－「娛樂 + 裝飾 + 回禮」。在這畢生難忘的日子裡，再為您的場景設計香氛必定錦上添花。
常見的回禮如巧克力、馬卡龍或蜜糖等，對賓客來說其實只是另一件普通的甜點。Perfume Bar 則提供一個新穎的回禮方式，以新娘新郎親自選擇的香氣去演繹他們的個性和愛情故事，令回禮增添一份意義。 Perfume Bar 一般設置於Reception Table 旁邊或當眼的位置。調香師會帶領賓客探索一系列的香氣，根據他們的嗅覺尋覓出他們喜歡的配搭，調配成一支15毫升的香水。取決於賓客的人數，我們至少有2-3位調香師同時為賓客 服務。
AWARDS
我地搵SOVOS做香水bar係想wedding reception時段提供一啲活動俾賓客參加。我睇到SOVOS嘅Facebook有段影片係Johnathan介紹香水，覺得佢講解得好好，而且SOVOS既香水望落亦都高貴，所以我就向佢地查詢。
之後佢地嘅同事邀請我地去門市試聞下香水既調味，同事好細心咁講解香水既選擇，又俾我地揀香水既基調。最後我地揀左Champagne、烏龍同Peony三隻味俾賓客選擇同調味。Champagne係佢地比較有特色既味道, 淨係噴佢已經好香。
佢地既package除左包香水之外，仲包埋香水bar既decoration。我比較過其他公司，SOVOS既裝飾係最靚。佢地裝飾既風格好清新，配合埋絲花，仲有相框放我地既婚紗相，personalise左個香水bar🥰。
整體黎講佢地既服務好大體，所以我覺得係值得既👍🏼🥳。我推薦大家可以婚禮活動搵SOVOS。
一開始知道SOVOS係因為喺買婚紗嘅時候送咗佢哋嘅香水體驗班coupon，之後我就同老公一齊上去試調咗一支屬於我哋嘅香水，我哋都好鍾意，就決定用佢哋嘅調製香水服務做我哋嘅回禮啦。因為我哋一開始無諗住擺咁多圍，我就淨係準備咗朱古力做回禮，但之後請多咗人，就考慮係咪應該有第二樣回禮，到最後我哋嘅回禮就係一半朱古力一半香水，可以俾啲guest自己揀。我哋消費滿一定金額就會送一個perfume corner，SOVOS就會派兩個員工嚟幫手，可以教啲賓客點樣調製香水。負責人Jonathan都好好，因為我哋其他嘅deco都係我同啲姊妹自己整嘅，佢都會提供啲擺設俾我哋，幫我哋負責埋啲相架嘅擺設，都好貼心🥰。但因為佢哋依家香水嘅選擇唔多，有3個base同4個加落去嘅其他味，如果可以有多啲味選擇就好啦。同埋佢哋間舖喺中環，我喺黃埔擺酒，佢哋就要租架van仔運啲嘢過嚟，就要俾$400嘅運費，會有小小貴。不過賓客都表示香水bar好新穎，喺wedding都好少見，我準備嘅70支佢哋都有帶走，overall嚟講都機滿意嘅👍🏻。