我上網睇到S.A. Bridal 嘅post就已經對佢哋嘅款式心心眼😍。其實喺搵到S.A. Bridal之前，我已經試過好幾間公司嘅禮服，但只有S.A. Bridal啲衫係睇相就可以一擊即中我嘅喜好，所以我好快就約咗時間上去試衫🥳。溝通當中，我覺得S.A. Bridal 嘅Staff講解都好詳細，態度友善，又專業💯。佢哋會先 send D裙款俾我睇咗先，又會先講吓我可以免費試幾多款、package包嘅款式，透明度高，之後我揀好咗就上去試衫。

去到去S.A. Bridal，Abby就一直幫我哋，佢好nice，同佢溝通好舒服🥰。佢除咗協助我試衫，又會俾唔同嘅意見我。我用iPad睇款式嘅時候，佢根據我嘅喜好同身形再推薦唔同嘅款式比我。而我網上睇中嘅幾件，我着上身係如我所料，真係完全符合曬我心水同要求，我好鍾意❤️。我覺得S.A. Bridal 嗰度啲裙好多都好靚，不過我就只鍾情於我一開始心心眼嘅嗰條裙🙈。而我老公見我試嗰條裙嘅時候都話：「就係呢一條啦，唔使再試其他」😂，可想而知佢幾滿意😆。之後Abby都有問我使唔使再試其他款式比較下，我都話唔使，因為呢條裙真係好啱我心水，所以我就好快落咗訂啦🤩！雖然嗰到嘅男士禮服選擇無女士禮服咁多，但Abby都幫我老公推薦咗一件燕尾款禮服，老公着出嚟嘅效果係意外地合適，好啱佢嘅身形，Abby真係好專業👍🏻～

最後喺Big day嗰日，我着住S.A. Bridal嘅裙出嚟，好多親戚朋友都大讚啲裙好靚😍😍，好sharp，我自己都好滿意。

我逛婚展嗰時同認識到S.A. Wedding嘅，佢嘅員工好nice又好熱情😍。我見佢哋可以比$500預約時間上去試衫，如果試完覺得唔啱嘅話可以簽番張退款書退返$500，就覺得都可以試吓，反正無損失😉。 上去S.A. Wedding度試衫前我有上網睇吓其他舖頭，見到有其他更平，都諗住上去試完唔啱咪退返錢，但試完就覺得佢哋啲衫好靚💯，好新淨，真係好多衫揀同埋係啱我心水😍。

我之前影prewedding 嗰間舖頭都有租衫服務，比S.A. Wedding平啲嘅，但我發現佢哋真係冇乜衫揀。我覺得要搵係可以搵到平啲，但就未必係啱心水，真係一分錢一分貨💪🏻！ 佢哋將啲衫嘅相放晒喺一個Google Drive度，上去試衫前我可以上去自己睇咗先，去到就可以即時俾個list佢要試邊啲😁。我覺得佢哋款式好齊全🤩，同埋有網上相簿可以預先預備易睇到咩款，我覺得好方便😉。

幫我嗰個Staff Addy佢真係好好人👍。我試衫都試咗2-3次，有時返到去諗諗吓又覺得好似第二個款靚啲，我就WhatsApp Addy問吓佢，佢都會即刻覆我🥰，幫我睇睇有冇期，唔會嫌我煩👍。 另外，我最開心嘅係佢哋連男裝都有好多款可以揀，之前去影prewedding時，我男朋友覺得啲衫真係揀無可揀咁，但係S.A. Wedding嘅男裝啲款式就比較多同埋好型❤️，多到佢都有啲唔知揀邊件好🤣，Addy都有比吓意見邊款襯佢，所以佢都揀得好開心❤️！