本身想揀一d韓系風格的婚紗👰‍♀️，係網上面見到SA Bridal的服務口碑，所以就去左佢哋婚紗展嘅攤位度了解一下佢地嘅package😉。接待我嘅Bowie好nice😊，好耐心去講解佢哋嘅package，又即時俾到好專業知識意見俾我💯，所以就決定係SA Bridal 度租衫。

去到佢地嘅舖頭，地方好乾淨，感覺好舒適👍。到試衫嘅時候，Bowie好細心咁幫我揀衫，話我知邊D設計嘅禮服會更加適合自己。最後，我就好順利揀到自己鍾意❤️嘅衫。 SA Bridal 嘅服務好有誠意💯，禮服又好靚。如果婚紗嘅款式同尺碼可以多的選擇嘅話，咁就太好喇。

我比SA 嘅服務impress到，職員好似朋友咁同你傾偈，成個過程都好舒服，會比考慮空間我。佢哋明白我嘅疑慮都會邀請我上studio睇一睇，唔會好似其他攤檔咁因為好多客人而求其sell或者忽略咗某啲客人，同事亦都唔會chur你。

😉 公司環境係非常舒服、光猛，亦都有音樂播放。係我上去揀衫之前已經會比相我睇，我有心水就直接上去試，然後佢哋會俾返意見我。我試衫嘅時候一直係Bowie負責serve我，佢好清楚知道我婚禮上有啲咩需要。我婚紗相同big day嘅衫都係喺佢哋度做㗎，Bowie會憑經驗話我知邊啲款式比較適合我，最後就揀咗Aline、一條poom poom裙，仲有裙褂。

🥰 join左之後開咗一個WhatsApp group提我哋幾時要揀場地啊、confirm拍攝嘅日子，有咩需要都可以叫佢哋幫手準備。佢哋同事基本上回覆都好快，即日就會有回覆。😄攝影師方面，我哋可以選擇韓國或者係香港嘅攝影師，我希望溝通會順暢啲，大家同聲同氣會比較自然，始終我哋係素人唔係好習慣面對鏡頭。佢哋公司都會提供profile俾我睇，等我知道每一個攝影師嘅風格係點樣。😚 佢哋Indoor嘅場景選擇好多，我哋上晝就影indoor，下午外景，外景係去咗獅子會同埋泥涌，咩風格都有。攝影師Mike會指導我哋做動作，佢怕我哋唔明甚至仲角色扮演添，教我哋點樣笑、行、擺咩pose。佢都知道我哋冇咁自在，就叫我哋跑下郁吓，咁個動作就會自然少少啦。

😝Mike好細心，佢知道我哋一輯婚紗相有幾個用途，包括：要整big day相簿、油畫，又要俾啲相係屋企人交差要影返正經少少。佢會基於相嘅用途調校返角度、大小，諗得非常之長遠。每一次影相之前佢都係自己度好晒角度先叫我哋埋位，完全唔需要我哋等，非常之專業。😎如果揀相可以俾我哋上舖頭揀，同佢地一齊傾吓可以點樣整相簿，可能就會更加好啦，揀相嘅時間都希望可以延長返少少啦。化妝師Icy都好貼心，影緊婚紗相嘅時候佢主動影花絮。妝容非常自然，雖然一開始睇未必好慣，始終唔係化開妝。但係以正式攝影來講濃淡適中，而Icy都會隨時standby幫我哋補妝。

😍 佢哋成間公司都幫咗我大忙，令到pre wedding順順利利。🤣