S.A.Bridal 為 S.A. Wedding姊妹婚紗店。2015年，在香港設立逾3000尺貴賓室，專門提供一站式婚禮服務，由婚紗攝影、婚紗租賃、新娘化妝、到婚禮攝影攝錄，通通一應俱全。S.A.Bridal的創辦人鄭尚雅原是韓國的模特兒，與當地不少頂尖婚紗店有緊密聯繫，自她創立這所韓國手造婚紗專門店起，旋即把韓國婚紗熱潮帶給香港新娘。每季更新婚紗款式，除了帶來韓國頂級手造婚紗外，更引入歐美高端品牌；韓國深造化妝團隊同樣堅持以韓國領先化妝技術，為新人帶來最完美的妝容。 S.A.Bridal 提供婚紗禮服租賃及各項大日子服務，更於2020年開設 Wedded Bliss 韓式精緻輕婚禮服務，是新人的一站式婚禮品牌首選。 「我們一直致力為準新人提供最優質的服務， 相信以最良好的態度建立口碑，就是最好的宣傳。」
AWARDS
聯絡商戶
我真係冇諗過一間公司係可以包曬咁多嘢，唔止場地、化妝、攝影，連衫、回禮禮物、請帖、welcome board都包，真係太驚喜。😳基本上我pre wedding同big day嘅所有事都係由S.A. Bridal包辦曬，完全冇任何煩惱！我搵佢哋之前都睇過唔少場地，但冇一間會好似佢咁咩都包曬之餘background又唔錯。🧐
Kayi（S.A. Bridal嘅職員）佢好有耐性咁介紹曬成個場地，然後仲好鉅細無遺咁講清楚晒package包含嘅嘢。3xxxx依個價錢第一眼望落去可能覺得好貴，但係諗真啲你淨係用個場都5-6個鐘，仲未必計其他嘢，除返開其實抵到爛。😎
Sky係我嘅攝影師，就算佢冇助手都好，佢都一眼關七，又執裙又指導企位pose，就算第一次影相嗰時我哋會僵硬啲，但都唔會話非常唔適應。Pre wedding好多公司只係正常影硬照，但佢哋會包一條幾分鐘嘅短片，又整好曬effect，又會教我地做動作。我諗應該係好似一個故事咁呈現出來，雖然未睇到成品，但真係十分期待！😝
Pre Wedding場地同big day場地係同一個，但係唔需要擔心pre wedding嘅studio景同big day會格格不入，反而係唔同特色得來又非常和諧😉。佢哋個studio每幅牆都係唔同景，有花草、磚牆等等，加上光線充足，營造到一個好溫馨嘅感覺，可以話係麻雀雖小一應俱全。😂
揀衫地方同studio分開，係揀衫之前佢哋同事會send條link比我哋提早幾日睇款，去到直接講心水number比佢哋知就馬上試到，所以即使係2個鐘都絕對夠試。男裝女裝嘅款式都好多元化，不論係傳統定新潮都有。
S.A. Bridal仲幫我design埋請帖，我可以send soft copy比賓客。你以為淨係得依樣就錯喇，佢哋係會包埋一個木製welcome board，另外仲有個新人名嘅霓虹燈送！咁都仲未完⋯⋯佢哋仲會幫我請埋mc，我開頭以為mc係佢哋內部嘅同事做，點知係額外請，真係太好了吧！😱
big day之前佢會問我哋有冇屋企人行動不便要坐輪椅，因為佢哋大廈嘅lift前面有柱阻住，佢哋要當日同保安講定先移走到啲柱。我之前真係完全冇考慮過依個問題，覺得佢哋好細心。🤭佢哋同事yoyo同埋icy都好幫得手，會照顧賓客。我聽返賓客嘅comment真係個個都對佢哋讚不絕口，不論係場地定係服務質素都真係物超所值。如果係想搞20-30人嘅韓式小型婚禮，真係好適合你！💯
佢哋舖頭婚紗款…
我一開始就已經諗住去韓國影婚紗相，本身已經有好幾間心水，當中就有S.A. Bridal，我了解過佢哋嘅package又見到婚紗款式好特別，就直接join埋佢哋嘅package。🥰只可惜後來因為疫情要改為喺香港影相，唔知道係咪佢哋貼心嘅安排呢，我嘅攝影師都係韓國人嚟，所以我覺得成輯相影出嚟韓味都好濃～🤭
佢哋舖頭婚紗款式同好多大牌子接近，質素都好高，係信心保證。我記得佢哋嘅婚紗風格好多都係大公主裙，韓式feel比較重，我印象中暑假嘅時候佢哋開始入多咗輕婚紗，如果佢哋款式再多啲相信就可以迎合到更多唔同口味嘅新人喇。喺我思考緊應該揀咩婚紗嘅時候， Bowie都會就住我婚禮當日嘅場地、裝飾同埋我自己嘅個人風格去俾意見我。Bowie會講咩款式啱我，就算覺得係唔合適嘅款式都會直接講出黎，絕對唔會因為你係客人就不斷附和你，反而係講好多真心意見。😆我自己最後揀咗三條婚紗都係唔同款式，有大拖尾、一字膊同魚尾裙。如果發現婚紗有破損同佢哋嘅職員講都會即刻處理，絕對唔會拖拖拉拉。👍🏼
我先生嘅男裝都係喺佢哋度揀。男裝冇女裝咁多元化就一定㗎喇，不過男裝好多時候大路嘅藍色黑色都已經好靚，尤其是佢哋質素唔差，所以喺選擇方面都冇太大嘅問題。😎
佢哋試衫嘅環境好舒服，絕對唔會迫迫夾夾。試衫嘅時候Bowie會好貼心咁同我講點樣着先好睇又會話我知點戴nude bra。🧐佢哋最好嘅位係仲會幫我襯埋首飾添，啲首飾仲要都係不另收費！😉
