因為宗教原因，我唔想著有龍或者有鳳嘅褂，所以得番花褂。名褂禮服個男職員幫我嗰陣都好細心，好了解到我需要，就幫我搵左一條新嘅花褂。雖然無咁多3D,但係係超級多金線，聽返D親戚講，都話好靚。同埋我想頭褂，無人著過嘅，所以加左錢，咁都好新淨，之前無人著過嘅。改衫都改好fit身同好快手。佢D長輩衫唔係太多款，但係我自己就係好滿意嘅，所以就淨係租左我自己同我老公。 我老公揀男裝嘅時候，職員都有俾過D意見，身型可能肥D嘅就唔好著呢款呀，著另外一件，或者裡面怕熱嘅都可以著條短褲，都無問題，無人睇到架，或者帶左花就唔使帶帽，好多呢D tips係幫我地配襯埋一套咁樣，係好全面。