Bozz Wedding 陪我哋去紐西蘭影pre-wedding時幫我哋拍片，Big Day我地都搵返佢，事前亦幫我哋拍咗一條contact film。Big Day前幾個月，佢哋free咗全日出黎幫我哋拍咗幾條生活片段，喺屋企拍、做interview，將呢啲片段同當日早拍晚播整合左做一條片。事前我哋同佢哋講過我哋嘅經歷，佢哋度咗一個story出嚟話想咁樣拍，我都有少少唔明白同擔心效果會點。有睇過佢哋幫其他新人製作嘅片段，但每一條片都好unique，咁佢哋獨特嘅拍攝手法都係我哋當初揀佢哋嘅原因😎到我當日睇到條片，十分滿分我會想畀廿分！！我哋有兩條片，一條長十分鐘，另一條兩分鐘，我哋諗住入席前播短片，食嘢就播長片，好彩佢哋有問我哋會唔會將兩條片調轉次序播，話未食嘢前賓客嘅focus係最好，當日佢哋堅持入席前要播長片先。好好彩有信佢地，見到賓客反應好好，我都好滿意😍！不過完成品要等一段時間先有得睇，如果可以快啲有得睇就更好！因為佢哋會為每一對新人度橋、諗唔同嘅idea，用唔同手法拍contact film，所以每一條片都好特別，即使價錢高啲我都覺得值得！