睇到Ema Mino日本公司過嚟擺booth，就join咗佢哋喺香港嘅中介package。本身我同中介講想影日本人結婚著嘅白無垢、色打掛，中介都話可以提供，但係佢哋就捉字蝨，喺份contract上面用英文寫，寫咗和服嘅英文Kimono，我地又無留意到，最後影婚紗相時係冇提供白無垢、色打掛，只係著返普通和服，令我哋好失望！😟日本團隊話如果要著白無垢、色打掛係需要額外book、搵專人幫我哋著，佢哋一直理解都係著和服，所以冇辦法即時安排到。 日本攝影團隊嗰邊無乜問題，我同先生都覺得影得輕鬆，效果OK，但中介搞到我地著唔到白無垢、色打掛影相，我哋一心諗住影到，所以好失望 😭 無辦法，都要影。後來問中介拎相，佢畀咗一半，唔畀另一半，話要send個email比個comment佢哋公司，佢哋先會send埋另一半嘅相比我哋，而佢哋事前冇同我哋提過要咁做，所以我就求其寫咗啲嘢比佢哋，先收到另一半相😅最後我哋話想改video，但佢哋都唔多想理，所以我直接搵咗日本嗰邊傾，就冇再理佢哋🙈