其實初初睇衫嘅時候，我自己都冇咩 idea，因為有啲款式唔係好啱我身型。但 La more 嘅同事會根據我嘅身型，推介啲適合我嘅款式，俾我試下🥰。有啲我未試過嘅風格，原來著起上嚟都幾好睇，我最後都揀到好啱自己嘅衫。過程中，我覺得La more好細心同專業，平時會有一位同事跟住我，但係其他同事見到我有啲疑問，佢哋都會主動幫手解答，甚至幫我搵下其他款式，呢個位我覺得好好😗。我媽咪嗰邊都有幾多款式可以揀，真係冇諗過La more啲衫原來都幾啱長輩，因為長輩未必咁容易知道自己想要啲咩，但係La more都有將啲款式推介俾佢哋，好幫到手🥳。

同事會將每一件衫嘅accessories擺得好整齊，會放喺同一個袋入面，咁我一攞個袋出嚟就即刻見到自己嘅衫同所有accessories，咁樣嘅安排真係幾方便，唔會亂曬🥰，亦唔會唔記得要帶啲accessories，同事又會影低相做record。La more嘅服務態度真係好，每次同同事傾計都幾開心，大家都好nice。成個過程我覺得自己係舒服嘅🥳，唔會有壓力，如果佢哋擴大空間就會更好，因為如果太擠迫，有時會影響試衫嘅感覺！

我揀La More係因為佢哋啲款好啱自己style，同事嘅服務態度又好好，會詳細介紹每款婚紗，又會根據我嘅身形同喜好，推介更加適合嘅款式。試完之後，發現原來最啱自己嘅，真係佢哋推介嗰啲，令我覺得La More經驗真係好豐富同埋專業😚。La More婚紗款式選擇都幾多，唔同風格都有，我自己本身就比較鍾意簡約清新啲嘅款✨。婚紗保養方面，La More做得唔錯，啲婚紗睇落去都幾新淨，睇落去唔會好舊。同埋佢哋都會入下新款，所以我嗰陣都試咗幾條新款，感覺 La More 幾有心經營🤪。

至於改 size 方面，La More都改得幾準確。我媽咪都租咗一條媽媽裙，同事都好細心咁幫手改裙腳，因為媽咪對細節嘅要求比較高，但同事都好有耐性去幫手改。到最後試 final fit 嗰陣，我發現某啲位要再改改，La More同事都即場幫我搞掂，呢樣嘢都幾加分💖。成個過程最深刻嘅係同事好 friendly，又幾搞笑，因為我唔係好識戴nubra，同事都幫咗我好多😆。如果預約嘅時候可以覆得再快少少就會更加好😋！