我哋搞婚禮比較急，所以行婚展時就會問唔同公司大約可以幾耐出到相。La More佢哋話可以一個月左右出到，出相嘅速度都比其他公司快👍🏻。同我哋介紹嘅同事係Angel，佢講解得好清𥇦，而且好nice🥰，我哋覺得佢哋個package收費OK就join咗prewedding同big day租衫攝影服務。另外，Angel佢話到時租衫睇中邊啲款式都可以試，唔會限時，呢一點完全吸引到我哋💯。 我哋喺婚展confirm package後，Angel就開咗個群組，群組裏面除咗Angel仲有化妝師、攝影師同埋La More嘅其他負責同事，訊息回覆得好快。化妝師有叫我哋send啲造型相俾佢參考，而攝影師就會問吓我哋有冇心儀嘅拍攝景點。我哋提出之後，佢哋就根據我哋提出嘅地點做建議同埋編排當日嘅拍攝流程👍🏻。

去到試衫，佢哋會根據我嘅身形同喜好介紹返唔同嘅款式逐件比我試。我同佢講唔想太過曝露，但係又想比較優雅嘅款👰🏼，佢都會根據我要求去介紹俾我試👏🏻。Angel同另一位同事Meiling會不停鼓勵我試多啲唔同嘅款式，試到啱自己為止，我哋覺得呢樣嘢好重要💯。就算係一啲我冇着過嘅款佢哋都想會叫我試吓，話可能會有意想不到嘅效果，我覺得服務真係好貼心❤️。我覺得最難忘嘅都係佢哋嘅裙褂，因為佢哋啲裙褂好靚💕，款式比較年輕又唔老土，顏色着上去都會覺得比較好氣息同埋優雅。除咗款式好，我最喜歡係可以一次過喺佢哋到租埋新娘新郎媽媽同爸爸嘅衫，真係好方便，可以慳返好多時間🎉。

化妝師Eva化妝好迅速，效率好高😘。髮型方面佢都緊貼而家時興嘅簡潔款式，可以好快幫客人設計到襯返套衫，同埋有根據影相場景去改😚。例如我哋去石澳嗰邊影相，喺海邊比較大風，佢就幫我扎辮適合返嗰個場合嘅需要，勁細心💕。佢亦都有帶定少少絲帶，蝴蝶結，或者係韓式髮飾嚟幫我設計造型。

Prewedding攝影師阿錦知道新人始終唔係專業嘅演員，所以會教我哋一啲拍攝技巧，例如手放邊度眼望邊度之類。我覺得喺西貢獅子會影啲相唔錯，嗰度有綠色草地大自然feel，加上佢哋預備咗啲頭紗，可以襯返環境，影出嚟嘅感覺好清新同飄逸😍。Big day安排因為我哋比較遲覆，所以assign咗另一位攝影師Anthony俾我哋。佢同拍video嘅另一位同事合作一齊拍，出相都好快，我哋big day之後大約兩星期左右已經收晒所有相同片。結婚當日新人比較忙，但係佢哋影相好有技巧，可以影到靚相之餘又唔會影響個流程，我覺得佢哋時間把握方面做得幾好💯。

最後，我想特別多謝Angel🥰。由婚展開始我哋接觸嘅就係佢，佢嘅態度友善，提點咗我哋好多嘢，例如係跪嘅時候着住裙褂點樣可以跪得靚啲，影相好睇啲，仲有出門入門有咩注意事項同埋最緊要預備啲乜嘢等等，佢都會同我哋講，真係好感謝佢😘。

我喺網上見到La'More Wedding啲相同禮服婚紗覺得好靚🤩，所以Save低咗。之後喺婚展比較過幾間公司，最後都係決定揀La'More Wedding！我自己比較重視服務質素，而接待我哋嘅Meiling 服務好好💯，講解得清晰，又唔Hard Sell，整個銷售過程都好舒服！

我喺試衫之前已經上網揀好晒自己鍾意嘅款式，可惜我試完都覺得唔太啱身。之後Meiling就根據我嘅身形同膚色推介咗好多款式比我🥰。Meiling真係好專業👍🏻 最後我真係揀晒佢介紹比我嘅裙😁。當中酒紅色嘅敬酒裙親戚朋友都大讚我著得好好睇，又Young，又活潑。而我自己就最鍾意March in 嗰套婚紗👰🏼。本身我係揀另一套嘅，但之後我想轉呢一套新款，Meiling好樂意幫我轉，之後仲Fit返我嘅身形同要求去修改！同埋，我租借咗佢哋嘅首飾同配飾，Meiling佢哋仲好貼心，幫我分好晒每一套禮服加要配襯嘅首飾💕！

雖然佢哋環境唔算大，但係都唔影響試衫空間，都試得好舒服！💁🏼‍♀️ 我特別深刻印象喺婚禮前一日Final Fit 嗰陣，我先醒起自己買漏咗襯中式禮服嘅花球。喺我勁徬徨之際，Meiling佢哋真係超好😘，即刻借咗一個花球比我哋，仲幫我哋襯埋款💕！