以我做過好多次姊妹、陪新娘試衫嘅經驗得出嘅結果係大，唔一定好，有時如果同一段時間幾對新人一齊試衫服務反而係有啲甩漏，所以我覺得La'more係唔錯嘅。🤓我第一次去其實係陪朋友，見到佢哋嘅同事服務態度好好，就算淨係租1-2套都唔會黑面，而且會預留一段時間專門淨係serve你一個，咁就唔需要同其他新人迫埋一齊試，如果有新人早咗到都係坐係卡位等。果次之後，整體感覺係幾舒服嘅，於是我結婚嘅時候都搵返佢哋。🙈
我當時係直接同老闆娘聯絡、溝通，老闆娘好nice會問我幾時得閒上去試衫。第一次去到有部ipad睇款式，佢哋會問我有冇鍾意嘅style，然後check下對應款有冇期先比我試，而唔係等我試完先check個期。因為萬一好鍾意條裙，但試完發現唔啱就會好掃興。🤭我每次上到去試衫都試十幾條，佢哋公司唔會限件數，所以佢哋同事都唔會對新娘選擇困難或者想係咁試而覺得麻煩。
我發現好多時眼睇好鍾意，但實際試落又另一回事，感覺冇想像中咁好。同事就會講邊條好邊條唔好，睇到啱嘅會幫我hold住個期先。🤔 我老公本身西裝係朋友度訂，但係La'more嘅款式真係好靚所以都有租到。佢哋款式好特別，加減某啲配件成個感覺就唔同曬。最後我哋甚至將朋友訂果件轉咗係下晝著，隆重啲嘅環節就著La'more嘅衫。🤫至於fitting方面，通常就係老闆娘幫我fit完之後姐姐即改，改完再試，都真係每次都好啱身。🤩
La'more嘅好唔單止體現係租衫方面，仲可以係突發事件當中睇到。我臨結婚之前話可能會打風，好多鋪頭都話如果我結婚前一日都仲係八號風球就可能要cancel啲服務，係得La'more會不斷安慰我，話盡力幫我安排，令到當時情緒唔太穩定嘅我多一份安心。😭仲要當時我係帶埋四大長老上去，佢哋都好擔心，同事就會一齊安慰埋佢哋。所以如果你地係aim婚紗同服務態度好嘅鋪頭，La'more真係一個不錯嘅選擇，我都好開心可以搵到佢哋。😗
La'more對比其他公司優勝嘅地方係職員用心嘅態度，佢哋好多都好友善。佢哋會比好多意見客人，但係好肯定唔會亂sell，而係根據我嘅身型、膚色推介唔同款式比我。😌尤其係一直follow我case嘅Angel，我自己一開始又唔知自己啱啲咩，只係好簡單同佢講希望簡單、大體同顯瘦，雖然好似好虛無飄渺但係佢哋都可以介紹到我鍾意嘅款式比我。😍我老公呢就比較圓潤，係出面好難租到衫，係La'more款式多、size多所以先可以試到。 Angel每次都好親力親為serve我哋，我老公扣唔到鈕，佢會想盡辦法幫佢處理。佢哋最好嘅係為咗客人滿意、開心，專誠幫客人訂新款式。一般來講大size禮服都係深色為主，但係我老公想試新嘢，Angel就專登幫我哋訂套灰色嘅衫，😳又幫我哋襯埋婚紗，可以見到對於客人嘅要求佢都可以好完美咁安排。我老公每次上去都會大讚Angel，話佢好take care客人，fulfill到客人要求。😉 除左比意見同額外訂衫之外，佢好樂意遷就我哋試衫嘅時間，比我哋好大彈性。佢真係做每一件事都好細心，客人講低嘅說話都會mark低。🤓除左職員好之外，公司政策都係好人性化，疫情期間我哋改期都無收到額外費用，其他新人可以放心啦！
