我籌備婚禮嘅時候係咩疫情都冇，但係臨門一腳係擺就前一星期就爆發。於是迫於無奈決定將婚禮分成2 parts，其實到最後改咗4次期先搞得成婚禮。😓正正就係因為改期改咗4次，先可以體現到邊啲公司係唔會同新人計較，仲為新人設想嘅，而La'More Wedding就係其中一間好好嘅公司。👰🏻u200d♀️佢真係一次改期費都冇收到，不過係有一次我老公講起話我哋咁遲先話改期，原本嘅衫、裙都已經改好咗，所以我老公就好主動提出話不如比返啲改衫嘅錢。成個過程當中都唔係老闆Angel講嘅，佢由頭到尾都冇主動講過要收錢。

佢哋嘅服務態度真係好好㗎，除咗係我好耐好耐以前上去，當時佢哋有個同事好似趕收工咁囉，之但係依個同事好似已經無再繼續做落去㗎啦。😝之後嘅service都係超班，揀衫揀幾個鐘都唔會黑口黑面，而且會好熱心咁幫手揀適合我哋著嘅衫。成間鋪頭比人一種舒適感，衫嘅擺放都好整齊。我後來介紹其他朋友去，佢哋feedback都係非常正面。😗我都明白好多鋪頭會想搵多啲，於是就hard sell希望你加錢，但係慘嘅位係有時比咗錢攞唔返最好嘅服務。搞婚禮都係想開開心心姐，咁我都好好彩可以搵到Angel，就算唔係Angel，佢哋鋪頭都會有另一個女仔可以幫手！🤝

講咗服務之後就到衫嘅款式啦，除咗我嘅衫之外，我媽媽、奶奶、家姐同老公嘅衫全部都係佢哋度租，大大話話都有13-14套㗎！租咗咁多都只係萬幾蚊，依個加錢真係抵到爛。🤑撇除價錢吸引之外，款式都係好啱我。我係比較矮嘅新娘子，之前去過第二間婚紗舖，就真係好體現到個分別係邊。我記得我未book package嘅時候，Angel已經介紹咗好多適合我嘅款式比我，佢知道我想試多啲新嘢，就不厭其煩咁同我試同我揀。去到最後我係魚尾、Aline、晚裝咩都有，而且著得我好好睇。💞我老公都係好難揀衫㗎，雖然佢係正常身高但偏瘦，好多時都撐唔起件西裝，結果都可以係Angel度搵到啱嘅衫。😍佢哋服務好、質素又高，係真正性價比超值之選！！！

我係婚展見到佢display出黎既裙覺得好啱自己，所以就上去試。老闆Angel啲service好好，啲意見好professional,幫我揀到我想要既類型既裙。試咗幾條已經好快決定咗。婚紗會比較多選擇，晚裝就唔係幾襯我，我最後都係著返自己買個啲。但係我又覺得無咩所謂，因為我真係好鍾意個條婚紗同埋著黎出門既紅色旗袍，件晚裝都係因為多咗個quota我先揀咗件，一般女仔可能會鍾意佢地啲晚裝款既，係比較公主啲既款，純粹係唔啱我style，所以先無著。值得一讚既係件婚紗真係好好著好舒服，好似著緊平時自己啲衫咁，一啲都唔會刮肉，同埋魚尾既設計我都好鍾意。紅色個件旗袍係老闆親自幫我改，著個陣啲朋友都話好fit身好顯瘦。其實Angel都好慘，事源佢有兩個同事想自立門戶，跟住就做得好差，對Angel啲客既態度同服務又唔好。例如我final fit上去試個陣佢地又話未改好，又無話俾我聽結婚前一日幾點去攞貨.....總之啲態度好古怪。我同Angel反映返，Angel就特登係我攞裙當日提早返鋪頭幫我改裙改到滿意為止，所以個陣我就覺得Angel真係一個好好同埋好盡責既老闆👍🏼👍🏼。同埋big day前一晚我媽媽試裙個陣發現有支大頭針吉住係條裙度，仲刮親我媽媽隻腳，我即刻打俾Angel啦，同佢講佢兩個同事做既“好事”，跟住Angel就即刻搭的士過黎幫我媽媽改返好條裙。我真係好嬲個兩個女仔😡，又好同情Angel。Angel真係個好好既老闆黎。