係朋友介紹Never Ending Story俾我哋嘅，上去佢哋office傾嘅時候覺得佢哋解釋得清晰，無隱藏式收費，比較過其他間佢嘅性價比最高，所以就揀咗佢哋做backdrop同reception table嘅佈置啦😆。一開始傾嘅時候我揸唔定主意要咩backdrop，佢哋會俾啲意見同sample我，我揀咗要類似某啲風格嘅，佢哋就會再design好多唔同嘅款式俾我睇，我三心兩意嘅時候佢哋又會幫下我，睇下我concern啲咩，如果我唔鍾意嘅話佢哋又會再做，都send咗好多次俾我睇，又無規定我淨係可以改幾多次🥰。最後我揀到嘅backdrop係分開三塊嘅，本身係要加好多錢，佢哋幫我爭取到相宜啲嘅價錢，但係質素係無變嘅。最後見到個backdrop真係整得好靚啊，完全符合我期望😍，大家都讚好靚，我已經介紹咗Never Ending Story嚟緊結婚嘅朋友啦。

我哋係朋友介紹認識到Never Ending Story嘅，我哋想支持返小店，格價之後都覺得佢哋嘅價錢ok，所以就揀咗佢哋啦。佢哋就幫我整咗兩個鮮花嘅arch、花球、所有襟花、食飯檯、reception檯同訂婚檯嘅佈置。最滿意就係個花球，其實一開始傾要點樣整花球嘅時候我就send咗啲reference photo俾佢，因爲我想要嘅款香港都好少見，佢咁啱又有個partner係整開呢啲款，最後佢都好努力整到我想要嘅花球出嚟，我都好滿意😊。因為我都比較懶，就交晒啲嘢俾佢哋諗，佢哋都會諗出幾個proposal俾我揀，都好flexible。因為我係搞wedding lunch，餐廳交場到賓客嚟嘅時間就會比較緊，佢哋要佈置晒天台同dining room都好趕，最後係賓客嚟到佢哋都仲佈置緊，如果佢哋可以快手啲或者安排多啲同事嚟幫手咁就更好啦🙈。我覺得唔鍾意太傳統婚禮嘅新人就可以考慮用佢哋嘅服務，因為佢哋都好有創意，唔會淨係諗到啲好standard嘅嘢👍🏻。