我老公嗰邊有個親戚個女之前喺GCYCC嗰度搞婚宴，話佢哋個場幾靚同啲嘢好食，特別係龍蝦湯好好飲🦞，又比咗啲相我哋睇。我哋原本諗住疫情好嚴重就唔搞婚禮，簡單搞證婚就算，但係佢介紹咗呢個場地之後我哋就覺得好有興趣😍，就算試吓去睇場。

我哋去到嗰日walk in其實冇得睇場，但負責人Nette見預約咗嘅客人未到，就帶我哋去行一圈睇睇。我哋行一圈嘅時候剛好有另一對新人證緊婚，成個效果睇落都覺得幾好！最吸引我係佢哋草地個場地，一入去就覺得嗰度好靚😆。佢哋塊草地好靚、望住海有遊艇，同埋最重要係證婚位置正後方就會見到日落嘅鹹蛋黃！（我哋自己證婚啲相影出嚟有日落真係好靚）我都睇過好多其他場地，但係其他草地場都冇佢呢度咁出色👍🏻。另一個吸引我哋嘅地方係一條龍服務好方便，佢哋好多嘢都安排好晒唔使你再去搵。我哋join咗120人嘅草地戶外證婚同埋buffet晚宴，包埋證婚律師，下午4:00證婚有cocktail、小食同結婚蛋糕，然後8點就開始晚宴。Nette另外介紹咗一間相熟嘅deco公司，我哋睇完都覺得幾好，就join咗。

Nette好專業，我哋原本都好多嘢擔心，例如預備咗接近成30條問題去問佢，但係其實好多嘢佢唔使等我哋問，已經喺佢嘅介紹裏面解答晒，好多嘢都唔使我哋擔心，真係好犀利👏🏻！ 婚禮前一日佢就幫我列晒時間表，好清晰，亦會自己去聯絡我哋嗰邊嘅司儀或者兄弟姊妹嘅負責人，令到我哋真係乜都唔使諗，好多嘢唔使我哋粗心🤗。佢仲有一樣嘢令我印象好深刻嘅就係佢好樂觀，我哋揀戶外場地，如果落雨好麻煩，但係佢就同我哋講「個會場冇一次係落雨嘅，所以唔使擔心呀！」，結果我哋結婚嗰日又真係無落雨喎🤣！其實佢哋嗰度仲有一個中式場喺樓上，落雨的話就搬上嗰邊搞，唔使自己諗其他安排，不過始終都係草地場靚啲，都好開心當日天氣好好☀️。場地靚之餘食物都唔可以失禮，始終都好多老人家嚟，都好想佢哋可以食得好啲。我哋擺酒嗰期無鵝肝供應，改咗龍蝦，我覺得隻龍蝦都算大隻同好食。雖然無得食鵝肝有啲遺憾，但都好滿意佢哋咁注重食物安全。

成個婚禮我基本上搵唔到一個位可以挑剔佢哋嘅工作人員💯。我一開始以為晚宴嗰陣啲影音控制係類似酒樓播音樂，都唔會話太仔細，但係嗰位負責影音嘅職員非常專業！佢一早已經寫低晒我哋嘅成長片段係幾長、到幾時邊一個位播音樂又係時間幾長之類，寫得好清晰仔細，令到我哋好驚喜😃。當日跟我哋嘅manager亦都好好，我哋出去影相時好曬，但佢都全程跟足，安排得好好。草地場出面條路有木板，佢哋留意到我高踭鞋個踭好幼，就特登比舊三角形嘅膠我放喺鞋踭度，就唔會卡到落去嗰啲罅隙度，我覺得真係好細心🥰！ 我覺得不論環境、服務同食物，性價比都高，唯一覺得係有啲遠，但係其實佢哋都幫我哋處理咗，因為佢哋包埋穿梭巴士俾啲客人，所以我哋真係好推介GCYCC俾其他新人👍🏻👍🏻！

GCYCC嘅環境露天得來又有人服務，唔使自己搞晒所有嘢，係我選擇嘅原因🤩。 我哋喺GCYCC嘅婚禮係進行晚宴，當初係Boey同我哋介紹package，又協助我哋搞rundown，佢係好helpful👏🏻。我哋喺婚禮前一個月開會，當中Boey都俾咗啲好多suggestions我哋🤗，令到我哋嘅rundown可以更加流暢。同埋佢都會盡量配合我哋嘅要求，例如我哋想reception擺另一種擺法，GCYCC都會盡力配合我哋💯。

婚禮當日，GCYCC嗰度嘅設備都幾完善😻，有projector方便我哋播片，仲有唔少親朋戚友同向我哋講，GCYCC嘅嘢食都幾好食🤗。婚禮當日我哋都好忙，無時間食嘢，GCYCC職員都好貼心，主動幫我哋打包食物💕，仲有成八盒咁多，等我哋返屋企都可以食吓嘢。其中我有食到佢哋嘅鵝肝，味道真無唔錯👍🏻。同埋，本身嗰日朝早有落過雨，GCYCC嘅Wilson真係細心，佢過嚟同我講，如果夜晚都有落雨嘅話，佢哋會點樣去處理，例如會準備啲太陽傘俾我哋同埋賓客。不過，好好彩最後都冇落雨，婚禮都順利進行！GCYCC嘅職員應變能力快，好值得讚👍🏻。