我諗住主要請最close嘅親友，所以客人唔多，比較唔同公司嘅時候見到GCYCC個minumum charge唔高，覺得彈性比較好😉。佢哋證婚個場地有草地同海岸，個景觀都靚，而我太太亦鐘意呢類景觀😍，所以最後就揀咗佢哋證婚加晚宴嘅服務💪🏻。

我上網搵咗佢哋個聯絡，打電話去問詳情。為我講解package嘅Louis講解都清晰同埋有禮貌💯，後來都一路係佢同我哋follow up成件事。我覺得佢都比到意見，同埋好幫得手😏。例如上頭嗰日搞到好夜，我走咗先發現漏咗第二日上午要著個件西裝喺佢哋度。我即刻聯絡Louis，佢搵到同事第二朝八點就開門比我攞返件衫接新娘，呢件事印象都好深刻😍！

Big day當日，因為佢哋都好有經驗，成個證婚個過程都係順利😊。我自己有請MC，佢哋夾得都smooth，而各樣設備亦都係OK💯。當日仲有個同事係跟住新娘，我哋去外拍佢都有跟住，好幫得手👍。夜晚晚宴嗰時又會好主動攞嘢比我哋食，好貼心❤️。晚宴係buffet形式，refill速度都OK，正常發揮，食物都好食🤩。

我哋希望婚禮可以喺有草地嘅場地度舉行，就上網睇吓有咩場地啱，見到黃金海岸遊艇會有，就專登入黃金海岸視察環境😁。除咗遊艇會，我哋都有比較過其他場地，但好多都係空中花園，景觀無咁開揚，所以最後都係揀咗呢度，成個環境感覺比較似外國，唔會好似尖沙咀嗰度咁一睇就知喺香港😉。另外佢個餐廳感覺好grand，又有提供buffet，服務就比較全面，唔會只係得草地證婚，可以有埋宴會，呢部分我哋都好鐘意❤️。仲有呢度其實有埋我哋拍拖時嘅回憶🥰，所以最後都揀咗呢道做我哋婚禮場地👍。 

去睇場時，Boey佢講解非常清𥇦亦都好nice😊。佢會問我哋成個流程係想點，想只係證婚定係有埋宴會，都有比其他新人嘅做法我哋參考。之後佢就帶我哋去睇場，好詳細介紹場地、package、流程，同埋我哋要交啲咩資料俾佢。我覺得佢好有經驗💯，加上以往呢個場都好多新人揀選，所以我哋問佢嘅問題佢基本上都即刻答到我哋，就算email問佢都覆得好快💪🏻。

婚禮一星期前，佢哋有主動約我哋去試晒音樂、播片同相，都安排得好好👍。佢事前都有叫我哋分好開啲folder，由佢哋啲staff幫手控制。好在佢有叫我哋去試定，原來成長片段喺嗰度播會覺得暗咗啲，我哋就仲有時校到色，當日效果就好好同埋好順利😍。 婚禮當日由梅姐貼身照顧我，佢會攞嘢俾我食，都好細心同貼心❤️。化妝師有同我講返場地職員有問佢哋要唔要水，其他場地都好少有咁貼身嘅服務俾佢哋🤩。

當日嘅証婚儀式後，因為太多親朋戚友想同我哋影相📸️，所以令到個Run down 有少少Delay咗，但Boey 嘅應變能力我哋十分欣賞，佢建議我哋Rundown次序調轉，可以先開席再Second March-In會比較好，咁就唔使D賓客係度等😁。

另外，我哋好記得一入到去餐廳已經聞到好香🥰！好多客人未開席都已經好想食，不過佢哋都唔會餓親，因為證婚之前都一直有小食供應😉。自己當日都食到少少，都有聽朋友講話啲嘢好食同多樣化😉。之後我哋都有攞走部分食物，就算凍咗少少我哋都覺得好好食，特別係鵝肝多士、田螺同燴飯呢幾款我都好有印象，整體都非常滿意💯！