黃金海岸鄉村俱樂部·遊艇會
Gold Coast Yacht & Country Club
4.5
關於 黃金海岸鄉村俱樂部·遊艇會



黃金海岸鄉村俱樂部.遊艇會坐擁迷人景致及多個時尚浪漫的室內外婚宴場地,包括能容納多達312人或26席的宴會廳﹑容納多達70人的花園廳,延伸至戶外可容納多達120人;及容納多達120人的翠綠庭園證婚場地,配合豪華遊艇海景,新人於親友及碧海藍天的見證下舉行婚禮,訂立愛的盟誓,接受來賓的祝福。



 



遊艇會提供多元化的婚宴套餐,不論是婚禮自助午餐或中式婚禮晚宴,我們的專業團隊都可為您度身訂做;新人如選擇舉辧中式婚宴,更可加購翠綠庭園證婚套餐,享一站式綜合婚宴場所之便。



 



 



Bespoke Bridal Award 2020    Bespoke Bridal Award 2021    HonorDist2022



中式婚宴
西式婚宴
證婚典禮
中式婚宴
西式婚宴
證婚典禮
套餐詳情
The Deck 證婚套餐
2024 - 2025 中式婚宴晚宴套餐
2024 - 2025 中式婚宴午宴套餐
2024 - 2025 宴會廳西式婚宴午/晚宴套餐
2024 - 2025 花園廳西式婚宴午/晚宴套餐
最新評論
整體滿意度
4.5
過濾評語:
wwyy523
4.5
精選評論
我喺網上識GCYCC遊艇會,我哋會揀遊艇會系因為環境比較特別,同其他地方相比比較優美,更加有優勢。我哋都有睇網上啲評論都比較正面。我哋主要系用email溝通,感覺佢哋都好nice,好識觀察我哋需要啲乜,亦會主動提出我哋諗唔到嘅意見。

從頭到尾都系Boey serve我哋嘅,基本上啲decision超過八成系佢介紹同準…

我喺網上識GCYCC遊艇會,我哋會揀遊艇會系因為環境比較特別,同其他地方相比比較優美,更加有優勢。我哋都有睇網上啲評論都比較正面。我哋主要系用email溝通,感覺佢哋都好nice,好識觀察我哋需要啲乜,亦會主動提出我哋諗唔到嘅意見。

從頭到尾都系Boey serve我哋嘅,基本上啲decision超過八成系佢介紹同準備得好先至比我做到個決定,而且非常專業咁俾咗好多意見同相關嘅知識, 令我哋感覺好安心,好專業,我哋都好欣賞佢,亦會幫我哋留意需要准備嘅嘢同埋交通安排,中間都會開幾次會mark低需要注意乜,好似個音響效果、入場儀式、動作模式同埋有佢哋嘅幫手真系少咗好多負擔。簽合約嘅時候會解釋得好清楚,印出嚟嘅合約有啲問題,佢會即刻更改再補簽,完全唔會揦西,可以講系好尊重我哋,某程度嚟講真系好加分㗎!

對於遊艇第一印象系環境比較優美、放鬆、自在嘅感覺,有度假feel,完全符合我嘅要求。我哋舉辦嘅婚禮唔算好大,所以場地反而唔想咁大。我哋嘅場地系有室內同露天,屬於午宴自助式。自助餐有好多選擇,啲食物有分熱食同凍食都好新鮮,溫度保持得好好。全部嚟賓評論好正面,主要系環境都好好。途中Boey都會同我哋講,有啲嘢食嘅貨源會冇,會畀我哋揀轉其他嘅嘢食,揀嗰陣佢都會提供意見嘅。 大致上所有流程都配合得好好,做嘢唔會亂。環境好滿意,好輕鬆, 我哋好滿意同埋系絕對會介紹遊艇會畀其他朋友嘅。

婚禮及婚宴場地
Happpizsa Dap
4.5
精選評論
我老公嗰邊有個親戚個女之前喺GCYCC嗰度搞婚宴,話佢哋個場幾靚同啲嘢好食,特別係龍蝦湯好好飲🦞,又比咗啲相我哋睇。我哋原本諗住疫情好嚴重就唔搞婚禮,簡單搞證婚就算,但係佢介紹咗呢個場地之後我哋就覺得好有興趣😍,就算試吓去睇場。

我哋去到嗰日walk in其實冇得睇場,但負責人Nette見預約咗嘅客人未到,就帶我哋去…

我老公嗰邊有個親戚個女之前喺GCYCC嗰度搞婚宴,話佢哋個場幾靚同啲嘢好食,特別係龍蝦湯好好飲🦞,又比咗啲相我哋睇。我哋原本諗住疫情好嚴重就唔搞婚禮,簡單搞證婚就算,但係佢介紹咗呢個場地之後我哋就覺得好有興趣😍,就算試吓去睇場。

我哋去到嗰日walk in其實冇得睇場,但負責人Nette見預約咗嘅客人未到,就帶我哋去行一圈睇睇。我哋行一圈嘅時候剛好有另一對新人證緊婚,成個效果睇落都覺得幾好!最吸引我係佢哋草地個場地,一入去就覺得嗰度好靚😆。佢哋塊草地好靚、望住海有遊艇,同埋最重要係證婚位置正後方就會見到日落嘅鹹蛋黃!(我哋自己證婚啲相影出嚟有日落真係好靚)我都睇過好多其他場地,但係其他草地場都冇佢呢度咁出色👍🏻。另一個吸引我哋嘅地方係一條龍服務好方便,佢哋好多嘢都安排好晒唔使你再去搵。我哋join咗120人嘅草地戶外證婚同埋buffet晚宴,包埋證婚律師,下午4:00證婚有cocktail、小食同結婚蛋糕,然後8點就開始晚宴。Nette另外介紹咗一間相熟嘅deco公司,我哋睇完都覺得幾好,就join咗。

Nette好專業,我哋原本都好多嘢擔心,例如預備咗接近成30條問題去問佢,但係其實好多嘢佢唔使等我哋問,已經喺佢嘅介紹裏面解答晒,好多嘢都唔使我哋擔心,真係好犀利👏🏻! 婚禮前一日佢就幫我列晒時間表,好清晰,亦會自己去聯絡我哋嗰邊嘅司儀或者兄弟姊妹嘅負責人,令到我哋真係乜都唔使諗,好多嘢唔使我哋粗心🤗。佢仲有一樣嘢令我印象好深刻嘅就係佢好樂觀,我哋揀戶外場地,如果落雨好麻煩,但係佢就同我哋講「個會場冇一次係落雨嘅,所以唔使擔心呀!」,結果我哋結婚嗰日又真係無落雨喎🤣!其實佢哋嗰度仲有一個中式場喺樓上,落雨的話就搬上嗰邊搞,唔使自己諗其他安排,不過始終都係草地場靚啲,都好開心當日天氣好好☀️。場地靚之餘食物都唔可以失禮,始終都好多老人家嚟,都好想佢哋可以食得好啲。我哋擺酒嗰期無鵝肝供應,改咗龍蝦,我覺得隻龍蝦都算大隻同好食。雖然無得食鵝肝有啲遺憾,但都好滿意佢哋咁注重食物安全。

成個婚禮我基本上搵唔到一個位可以挑剔佢哋嘅工作人員💯。我一開始以為晚宴嗰陣啲影音控制係類似酒樓播音樂,都唔會話太仔細,但係嗰位負責影音嘅職員非常專業!佢一早已經寫低晒我哋嘅成長片段係幾長、到幾時邊一個位播音樂又係時間幾長之類,寫得好清晰仔細,令到我哋好驚喜😃。當日跟我哋嘅manager亦都好好,我哋出去影相時好曬,但佢都全程跟足,安排得好好。草地場出面條路有木板,佢哋留意到我高踭鞋個踭好幼,就特登比舊三角形嘅膠我放喺鞋踭度,就唔會卡到落去嗰啲罅隙度,我覺得真係好細心🥰! 我覺得不論環境、服務同食物,性價比都高,唯一覺得係有啲遠,但係其實佢哋都幫我哋處理咗,因為佢哋包埋穿梭巴士俾啲客人,所以我哋真係好推介GCYCC俾其他新人👍🏻👍🏻!

婚禮及婚宴場地
黃金海岸鄉村俱樂部·遊艇會
2023.08.30

好開心聽到大家都鐘意我哋嘅草地場❤️!我哋一定會安排最好比新人,亦明白到新人結婚已經好多嘢要處理,所以我哋可以幫到嘅事一定會出盡全力協助!🥰好開心新人喺我哋到完成人生中幸福嘅大事🤩,祝願你哋婚姻幸福美滿~

最新優惠
聯絡商戶