一開始遇到Carmine Wedding嘅時候已經覺得佢哋好全面，男禮種類非常之多，比較修身、英式或者日式嘅款都有，顏色同cutting上面又有好多唔同選擇，所以覺得佢哋好好😍。

我上咗去幾次，佢哋嘅環境唔算好大，不過係足夠同舒服嘅，啲衫擺得好整齊，唔同類型就擺唔同地方咁，organize得好好👍🏻。頭兩三次上去都係就咁睇啲款，未做到決定，佢哋服務人員非常之好，唔會話逼我即刻要落單或者買啲咩package，俾我可以慢慢思考，睇多幾間再做決定。我試咗幾件之後再去問佢哋意見，睇下件衫同條褲可以點樣襯，啲pattern又可以點襯，佢哋都會俾意見我。

最後我就自己租咗一套男士禮服同幫屋企人買咗套男士禮服，兩套都係度身訂做嘅。雖然我自己嗰件係租嘅，但係佢哋見到唔係好fit身，都願意做多件新嘅出嚟，所以我嗰件係真係佢哋度咗身第一次租俾我嘅😆。可能因為我係亞洲人，件衫嘅長短唔係好fit，同咗佢哋講之後，佢哋整件衫嘅時候就會改返個長短，其實我淨係租一次，但係佢哋都會聽我嘅意見，好貼心。

當時係10月，社會環境比較混亂啲，正常租衫係三日兩夜嘅，但係因為我拎衫前兩三日都有去final fit一次，佢哋好好，費時我又走多轉，已經直接租咗件衫俾我，咁我就唔洗big day一日前再去攞，方便咗好多🥰。如果佢哋可以再多啲款式就更加好啦，因為款式係唔會有人嫌多嘅，佢哋已經係專注男士禮服，就可以繼續推出更多款式俾大家揀啦。我覺得年輕啲嘅新人就好啱佢哋啦，因為佢哋嘅款式會比較新穎同smart casual啲，service非常之好，質素又好，價錢方面都相宜，好值得推介啊🥳。

我之前做人哋兄弟嘅時候都係喺Carmine Wedding訂做嘅衫，所以自己結婚嘅兄弟衫就搵返佢哋啦。佢哋office嘅環境大、寬敞，款式選擇好多，風格係偏韓風，我啲兄弟都讚佢哋嘅衫質料同cutting好，兄弟衫嚟講好靚🤩。最後我就訂咗四套兄弟衫，佢哋嘅西裝會分size，揀好咗之後再度身改少少。

我係big day前兩三個禮拜先去訂嘅，佢哋時間好彈性，盡量幫我趕到個成品出嚟👍🏻。佢哋嘅風格會比較適合後生啲嘅新人，我都會介紹佢哋俾其他朋友，因為佢哋嘅價錢合理，以佢哋嘅質素嚟講性價比高😆。