我係喺Facebook同Instagram search禮服嗰啲，搵搵下就彈咗Carmine Wedding出嚟，見到佢哋嘅相有一套都唔錯，係上過雜誌嘅。咁我就去咗Carmine Wedding嗰度試啦，一試就覺得好好，最後就喺佢哋嗰度買咗兩件，同租咗兩次燕尾服for影結婚相同big day著，我外父都揀咗一套😊。

一開始佢哋介紹得好清晰，度身會由頭度到落尾，我一開頭唔係好睇得啱，佢哋嘅女店員好nice，會幫我度，再因應我個樣同身型幫我襯顏色，俾我試到啱為止，我都上咗去四五次，試咗七套咁多，最後揀咗兩套，佢哋都唔介意我咁煩。同埋佢哋嘅收費都係白紙黑字嘅，唔會有隱藏式收費，佢哋嘅服務咁好真係物超所值啦😆。我嗰日上去都有五對左右嘅新人喺度試衫，佢哋得兩個店員會比較忙，不過佢哋好有耐心。

環境方面好舒適同靚，有三個試身室，雖然係要排隊嘅，不過都好快。試身嘅時候又會有同事幫手，佢哋因為忙啲所以有時會忽略咗，但係過一陣都會即刻主動過嚟睇我試成點，唔洗我出聲。我偏向鍾意啲後生少少、無咁成熟嘅，所以揀款嘅時候都要搵下，佢哋有一半嘅款都係偏成熟啲嘅，但係店員搵兩搵都已經搵到啲啱我㗎啦。我最後就揀咗套英倫風啲嘅，係海藍色加卡其色馬甲，仲有其他嘅都係黑色為主，最特別最靚就係燕尾嗰套啦。佢哋上雜誌嗰套係斷咗貨， 咁啱我買到最後一套，真係太好彩啦！同埋，就算有啲位要改佢哋都好幫我，最後著出嚟效果都好好😍。不過我買嘅兩套嘅其中一套我覺得太成熟，所以就whatsapp同佢哋講呢一套好似唔係咁啱我，就想問佢哋有無得揀第二套。正常俾咗錢應該係無得轉嘅，但係佢哋都俾我再揀第二套，唔會唔耐煩，好細心幫我揀到啱為止👍🏻。

早兩日佢哋已經擴充咗啲款式啦，如果可以多啲呔同兄弟衫嘅款式就更加好啦。我已經介紹咗啲朋友去Carmine Wedding啦，我見上去試衫嘅新郎都係偏成熟啲，但係我想要後生啲嘅款認真搵都係搵到嘅，所以應該大部分新郎都會啱啦🥳。

原本我係想喺我租婚紗嗰度租埋男士禮服嘅，但係睇咗啲質素同款都比較普通。之後上網睇到Carmine Wedding，佢哋有分韓式同歐美款嘅西裝。我先生又比較大隻，佢哋嘅西裝會比較啱身，所以就喺佢哋嗰度租咗三套男士禮服俾爸爸、老爺同新郎喇😊。

我係網上面預約咗先上去佢哋舖頭睇嘅，佢哋會suggest下啲碼數，見到先生嘅身型都直接話唔洗睇韓式嗰啲好窄身嘅，可以直接睇其他類型。😂 試衫嘅環境唔錯，我哋上去嘅時候比較多人，但係都會有個員工係度照顧我哋👍🏻。有好多款式可以選擇，租完衫之後又會有啲襟花俾我哋睇下邊個襯，就可以租埋喇。😆

因為我哋big day前都比較忙，就想問佢哋可唔可以提早幾日攞衫，佢哋話ok，仲盡量趕俾我哋! 😍 之後還衫又俾我哋遲幾日還，好有彈性咁迎合我哋嘅要求🤩。最後嘅三套衫都同我哋想像中一樣，先生佢哋好滿意，賓客亦有讚我爸爸嘅西裝好靚好啱身🤗。

如果佢哋嘅婚紗同西裝可以一齊還就更加好喇。因為我都去睇過佢哋嘅婚紗，可能佢哋啱啱起步啲款會比較少。如果佢哋之後發展埋可以婚紗禮服一齊租一齊還就更加方便喇🤓。因為佢哋啲款式都比較後生同型啲，年輕啲嘅新人就好適合搵佢哋喇。