我以前喺太太哥哥嘅婚禮上着過佢哋嘅禮服，留下一個幾好嘅印象。所以當自己結婚嘅時候兄弟衫同埋新郎禮服都係喺佢哋度租。我當時係預約想去佢哋舖頭試衫先嘅，更衣室環境都算寬敞，唔會話好迫，轉唔到睇唔到效果。雖然排隊都唔係大問題，不過如果更衣室嘅數目可以多番啲就好啦。

租嘅款式來講都算多，係揀得落手嘅。兄弟嘅衫係淺灰色馬甲款，煲呔係紅色。而我自己嘅衫總共兩套：一套藍色一套棗紅色。我覺得棗紅色嗰套係比較特別，比較少喺坊間搵到一隻符合心目中嘅棗紅。揀衫嘅時候佢哋嘅職員都會俾意見我哋，例如係點樣襯色、點樣配色等等啦。

佢哋職員全部都好友善，不過有一次係溝通上出現咗啲小誤會。就係佢哋以為我要換size就同我講，我之前嗰套棗紅色就已經冇其他可以選擇啦。咁不過依啲都係好細微嘅誤會，無傷大雅嘅。其餘時間喺WhatsApp Online溝通都係非常之順暢，除咗我自己嘅單之外，我有一個兄弟都係差唔多時間結婚又係喺佢哋度租，仲有我大舅張單都係。

所以我總共有三張單係手，我有時自己都唔知邊張單打邊張單，但每次問佢哋都好清楚，好快就比到回應我。對我來講，佢哋係價錢、款式、服務方面都提供到唔錯嘅服務比我！

我一開始係Carmine係訂pre wedding嘅西裝，做完覺得佢哋嘅cutting好好，於是就冇猶豫冇做其他research嘅情況下直接訂造埋爸爸同哥哥嘅禮服。😂記得開頭訂老公套衫嘅時候，佢哋嘅職員都比咗好多意見我。例如係我老公偏高又偏瘦，佢哋會直接幫我foul走唔適合嘅衫，節省咗好多時間。😁我講話因為去oversea影相，所以一定要某一個日子前比到貨我，佢哋就盡量幫我趕起。第二次返去買嘅時候就更加親切，佢哋會記得我哥哥買邊套西裝，當爸爸揀咗一隻一樣嘅色就會比意見，話可能會撞，最後雖然爸爸同哥哥都係揀同一個色系但感覺完全唔同嘅，效果都好好。✨我屋企人係著開西裝，佢哋都讚西裝嘅質素好唔錯，改得好啱size，唔會有線頭，好得體。😍佢哋係價錢合理之餘，款式又多，傳統同韓式都有！如果有其他朋友結婚，我一定會介紹比佢哋。🙈