我係Carmine度租咗兄弟衫同訂咗新郎衫。一開始見到佢近我做嘢嘅地方，於是就約個時間同班兄弟上去試下啦。上到去每個兄弟都好滿意，有啲之前做過兄弟嘅話Carmine嘅質素係佢試過咁多間入面最高分嘅。👏🏻我諗原因都係佢哋職員好細心都好專業，會憑經驗判斷兄弟嘅身型、外表適合乜。佢哋嘅款式、質地都好多元化，配搭好多。👍🏼又會問下我想要咩色，然後再每隻色攞幾套唔同pattern嘅叫兄弟襯下。有時我哋覺得褲腳會唔會長咗啲，佢都會幫我哋一齊諗下。我本身覺得佢已經做到我嘅要求，令我覺得好舒服。😊直到發生一件事，令到我覺得佢哋真係好到離曬譜，唔讚唔得。就係我big day前一個禮拜，我原本訂西裝嘅鋪頭話我知我套衫唔小心整污糟咗。佢哋態度仲要都幾差下，令到我有hard feeling，同時都好徬徨。🥲係咁危急嘅關頭我決定搵Carmine幫手，博一博。佢哋知道咩事之後都好體諒我，都應承會幫我手。🥺佢知道我時間緊迫會追緊啲supplier，事事都好上心。好好彩最終趕得切，我上到去攞衫嘅時候都有啲要微調，同我之前試嘅唔同，後來知道原因應該係來自鈕扣，Iris即刻幫我改。😉去到依個位真係好感恩，有啲公司早一個月都會同你講可能趕唔切，更何況係一個星期，佢哋都可以比到我，質素仲要好高。😎話final fit就真係final fit，一切都係ready好曬嘅狀態，佢哋好到就連我屋企人都話簡直不得了～

我認為佢哋嘅款式、顏色都幾多㗎！特別係類似tie 依d細節位會比其他鋪頭多😙同佢地staff溝通得好愉快，我想緊點襯色都會比到好多意見我地，滿足到我地要求❣️我地即場試完，試到啱嘅碼，收到貨之後都冇地方需要再改，尺寸好啱🙆🏻u200d♀️不過佢哋都應該幾受歡迎，我第一去因為疫情嚴重、少人，所以可以一對一serve，但第二三次去都多人，staff都好難分身所以等得比較耐😳都明白係好難控制嘅。我覺得年輕人會比較啱，佢哋可以租或者買，佢p值高屬於中等價錢😉