我覺得同Parisine嘅同事溝通都幾好，過程都幾順利！同事喺解釋同答問題方面都表現得好專業，態度都幾nice🌟。特別想讚同事Jacqueline喺聯絡方面做得幾好！喺揀香味嘅過程當中，每款香味嘅特色介紹得都清楚易明，我哋最後就揀咗兩款香味😚。Big Day當日，賓客都覺得呢個香水booth都幾新穎有趣，尤其係可以即場調配香水，呢個環節真係幾加分！佢哋喺俾香水賓客嘅時候會夾埋一張折扣卡，我哋都理解呢個係公司推廣嘅做法，但有啲賓客收到嘅時候以為係一啲宣傳活動，如果公司能夠提前清楚告知有呢個安排，或者俾新人選擇俾唔俾折扣卡，效果會更加理想💕。另外，香水樽嘅設計雖然係固定款式，但可以喺絲帶上面刻返新人名字，亦都會比較獨特🥰。

我喺網上見到Parisine嘅產品好靚，又好特别，可以用香水代替傳統回禮禮物，所以就揀咗佢哋😍。我哋上去Parisine到揀香水嘅時候，第一眼就見到勁多香水可以選擇。同事都好熱情，除咗介紹一啲配套之外，仲會講解一啲香水bar嘅流程俾我哋了解多啲。 同事又會逐一同我哋講解每款香水背後嘅故事，俾我哋感受吓每款香水嘅香味，我哋都從中學到好多香水嘅知識🤣！ 我覺得 Parisine 門市好貼心，專登喺每款香水上都有準備份catalogue，新人可以了解到香水入邊係有乜ingredients，又會將每款唔同嘅香水味做好分類，新人可以好快就搵到自己中意嘅味。我大約半粒鐘就已經揀好四款香味，到時Big Day俾啲guest自己diy。佢哋都額外再俾我哋揀多一個味，呢個味道就會由佢哋同事randomly幫我調配出一款代表我同先生嘅香味。🥰 成個過程，同事都好有耐心，好值得一讚。💕

Bigday 當日，我聽到好多朋友feedback都好positive。因為香水bar都仲未好hit，好多人都係第一次體驗，對啲guest嚟講，好新奇，好有趣。同事都好有經驗，即使面對好多賓客都可以handle到，又會guide住佢哋教大家點調配，後尾有啲剩低嘅香水都會幫我pack好俾返我。🥹 嗰日實體香水bar嘅setting同我喺網上睇嘅post出嚟嘅一樣咁靚。同事非常用心，除咗會做好一啲交代嘅工作之外，最令我欣賞嘅係佢哋嘅服務態度。因為同事未去過我嘅場地，所以佢哋 Bigday 前一個星期就同場地嘅manager約好時間去望一望嗰場地，提前諗吓到時可以點set up 啲嘢，我覺得好盡責。Parisine絕對係一個好好嘅選擇，所有嘢都安排得好smooth，又進行得好順利，同事都好專業，當我提出一啲意見，佢哋都好願意去配合我！😚