因為我太太本身一直都好鍾意香水同香薰呢類產品，平時見到都會想試下、聞下，所以去到Parisine個booth嘅時候，佢一試就覺得佢哋啲香味真係幾好🌟，唔係好普通嗰種香味，所以最後就留咗 contact，再慢慢了解。之後正式同佢哋傾嘅時候，我覺得團隊都幾積極，同埋解釋得好清楚。我哋問咩，佢哋都會詳細答返，無論係 package 包啲咩、流程點安排、香水 booth 點運作，甚至連包裝上面每一個細節都講得好仔細。最欣賞嘅係，有啲原本唔係佢哋 standard offer 嘅內容，我哋提出之後，同事都會盡量幫我哋諗方法做到，而唔係直接話唔得，呢點令我覺得Parisine真係會聽客人嘅意見。而溝通方面都令我幾安心，平時 message 佢哋，回覆都幾快，有咩安排或者問題都會即時跟進，唔會出現搵唔到人嘅情況。因為我哋搞婚禮最怕就係vendor失聯或者拖住啲message，但佢哋喺呢方面做得幾好，所以我哋覺得Parisine幾有責任感，同埋好放心交俾佢哋處理。我哋覺得揀香味嗰 part 都幾深刻，因為香水本身真係好講個人感覺，而Parisine真係有好多選擇，仲可以 mix and match，有基本香調再配搭其他味道，所以我哋嗰日都揀咗兩三個鐘。我太太本身對香味都幾有要求，所以真係試咗好多款。試香味最容易就係試到後面已經唔記得前面嗰隻味，但同事完全冇唔耐煩，反而會好有耐性咁陪我哋再試、再聞、再比較，會鼓勵我哋慢慢揀🥳。

婚禮當日個香水 booth 效果都幾好，朋友同屋企人反應都好好。好多人都覺得幾特別，會主動走去玩下、試下香味，成個互動感好強。原本我哋預備咗 100 支香水，最後只係剩返 3 支，基本上都派曬，證明大家真係幾鍾意。我覺得如果可以喺香水瓶、包裝或者袋仔上面，可以再多啲屬於新人自己嘅元素，例如印上新人名字、婚禮日期，會更加有記憶點。 另外，我覺得容量方面如果可以有更多選擇會更好，因為有時朋友覺得隻香味幾好，但好快就用完，會有少少可惜。如果容量選擇再多啲，我覺得吸引力會更大👍！

我當時都有留意過市面上其他提供類似服務嘅公司，但我覺得Aromatic offer嘅價錢同優惠都幾吸引，所以最後就揀咗佢哋😆。同佢哋溝通嘅時候，感覺同事都幾專業，而且好主動。每次我哋有進展或者需要跟進嘅嘢， 佢哋都會好有效率咁通知我哋，唔洗我哋自己去追。成個過程都幾順利，令我哋都好放心🧡。 我揀嘅服務係香水bar，同事會先了解我哋嘅喜好同想要嘅效果，之後提供意見同建議，所以我哋都覺得可以放心交俾佢哋處理🤩。特別係因為我哋喺酒店搞婚禮，佢哋都會主動聯絡酒店嘅同事，幫手處理好多細節，呢一點我好欣賞。Aromatic 團隊仲會親身去現場睇環境，幫我哋安排香水bar嘅擺放位置， 確保一切安排妥當。至於香味方面，我同老公都有一齊試香同揀，包裝亦可以俾賓客揀選。我覺得Aromatic 提供嘅香水質素幾好，味道都幾 fresh，都好容易接受。朋友同屋企人都有試用過，feedback都好好，佢哋都覺得好特別，整體感覺都好好😛。如果朋友想搵呢類香水bar服務，我一定會推薦Aromatic ，因為佢哋專業、可靠，服務態度亦好好。