疫情嘅緣故我哋推遲咗婚禮，第一次搵Parisine嘅時候已經係兩年前。當時有香水吧嘅回禮公司真係唔多，我印象中淨係喺婚展見到兩間。咁我同Parisine職員講試吓當我係婚禮嘅賓客，問佢哋會點樣呈現返調製香水或者成個過程俾我睇。從介紹講解我都覺得佢哋係比較專業嘅，尤其係香水師佢對前中後調嘅解釋都非常之清晰，可以營造到一個好grand嘅感覺。我就比佢吸引咗，而且見金額都唔係好大，費事拖拖拉拉，於是乎一次過就俾咗錢。成個過程入邊佢哋都唔會逼你決定，只係盡嘅責任介紹返package。

🤔 後來遇上疫情，正常情況改期要加錢，但係佢哋好體諒新人都會幫我哋wave咗。package額外送兩支香水，上到去佢哋舖頭，同事一如既往地好熱情，會介紹受歡迎嘅combination俾我哋。如果當日有賓客揀中預先調配嘅combination，就唔需要再溝來溝去，成個過程都順暢啲。😚不過如果佢哋喺人數同埋香水車嘅安排上可以有多少少彈性就好，以我所知佢哋無論係買幾多支香水都好，都係派同相同人手同車。當賓客數量越多就未必可以應付場面，一嚟辛苦同事，二來賓客見到咁長龍都未必想排隊。不過我request加多1個人幫手，佢哋公司都配合到。

🥰香水除咗味道上可以客製化，連樽身、絲帶都可以，絲帶顏色嘅選擇有好多，就連字體都可以選擇。我哋當初仲有考慮過用英文名定係聖經經文，只要唔係太長都ok，同事好快就整到一啲絲帶嘅sample俾我哋睇。🙈 Service hour係四個鐘，唔計set場由4：45開始運作，大概到8：15完。如果8:15仲有賓客會盡量完成埋剩低嘅事情先。不過我後來聽賓客反映佢哋8點幾都繼續做緊，冇收攤嘅打算，可能係見到賓客好熱情，所以好主動ot，甚至都冇專登喺我哋面前提起，可以感受到佢哋對工作嘅熱誠。

😎姊妹係最先體驗香水bar服務嘅人，佢哋都大讚話同事好友善，相處得好愉快。最後剩返大概13支左右，同我預計嘅數量都差唔多，嗰13支香水係可以調配返我當初揀嘅香水味。

😉 總括而言，我覺得如果你哋係想搵啲特別少少嘅回禮禮物，Parisine絕對係一個好好嘅選擇。我自己就唔鍾意人哋用過嘅橋，所以茶包、曲奇、甜品、印自己個樣上去嘅product都比我ban晒。佢哋特別之餘仲好細心，產品同服務方面都比到好專業同好Grand嘅感覺我，真係值得一讚。💯

我一開始就想用香水做回禮，只係睇其他公司嘅sample同樽身設計都覺得麻麻，所以一直未有定案。😖有次咁啱見到Parisine，覺得佢哋無論係擺設定樽身都好靚，比人一種好高貴好得體的感覺，而且價錢都合適就決定用佢哋😉職員都跟得好好，不時會提我哋去佢哋公司揀絲帶揀香水嘅味道。我哋好少搵佢，反而係佢哋成日會搵我哋。🤣又因為疫情嘅緣故，佢哋都有同我哋講唔洗擔心改期嘅話會額外收錢，feel到佢哋真係好為客人著想，而且好識得彈性處理。😎去到好後期，我哋臨時決定擺兩日酒，一日for屋企人一日for朋友，原本朋友嗰日係冇book到佢哋嘅Service，差唔多一個禮拜前先問佢哋可唔可以book多一日。佢哋都好好咁應承我地，而且好快手咁處理曬所有嘢。賓客們都好開心可以自己選擇味道，對佢哋來講係一種好新鮮嘅體驗。🙈另外一件事令我印象都頗深刻，同時都好反映到Parisine係好注重客人嘅意見。我記得一開始我對佢哋香水嘅樽身提出過意見，最後真係見到佢哋有就住我嘅意見做出調整。睇得出佢哋以客人為先。🤩