Parisine
4.8
關於 Parisine

Parisine – 源自法國,所有精油和香水的原料均來自法國,並由專業的法國調香師調配,提供超過數十款香味的配搭。



近來亦愈來愈流行香水回禮,新人除了可以親自為賓客挑選香水外,亦可選擇Scent Bar,將充滿法式風情的香水店帶到婚禮,讓賓客親自調配香水,以富玩味的方式答謝來賓的祝福。所有精油和香水均由法國調香師調配,多達數十種氣味供新人自由配搭。



Parisine 亦提供專業的香氛服務,例如婚禮場地香氛佈置,讓賓客甫踏進婚禮場地便恍如置身於芳香四溢的花園。



研究指出嗅覺乃五官中最敏感和記憶力最好的。香氛佈置能讓新人以香氣娓娓道出二人堅貞不渝的愛情故事;而香水回禮則令賓客每每打開香水瓶時,腦中便浮現當日婚禮的景象,帶給你和賓客難忘的回憶。



AWARDS



Bespoke Bridal Award 2020    c   Bespoke Choice 2022



最新評論
整體滿意度
4.8
過濾評語:
Kiki0401
4.5
精選評論
𠴱陣我都喺婚展返工,經過Parisine就俾佢嘅booth吸引😍,因為咁啱我都準備緊結婚,所以就諗住同同事入去望下,聞吓啲味道了解一下。當時,Jenny見我好有興趣,即使我身帶着婚展嘅工作證,佢都好熱情咁招待我,好用心咁同我介紹🤩。經Jenny嘅介紹之後,我對回禮香水bar嘅plan都好有興趣,於是我就叫埋未婚夫收工後…

𠴱陣我都喺婚展返工,經過Parisine就俾佢嘅booth吸引😍,因為咁啱我都準備緊結婚,所以就諗住同同事入去望下,聞吓啲味道了解一下。當時,Jenny見我好有興趣,即使我身帶着婚展嘅工作證,佢都好熱情咁招待我,好用心咁同我介紹🤩。經Jenny嘅介紹之後,我對回禮香水bar嘅plan都好有興趣,於是我就叫埋未婚夫收工後一齊再去Parisine再詳細了解一下。我哋之後返到屋企商量完,第二日就即刻join咗Parisine嘅回禮香水bar🤣!為咗方便傾之後嘅細節,Jenny都好貼心,為我哋開咗個WhatsApp group,再約咗時間上去佢哋嘅店舖揀香水嘅味道😽。

之後,我同未婚夫去咗Parisine門市,當時都係Jenny接待我哋。佢真係好好記性,一眼就認得出我,令我覺得好窩心🥰。之後,佢仲詳細咁同我哋介紹唔同香味👍🏻,叫我哋喺好多種香味之中,為婚禮當日嘅香水bar揀出12種base嘅香味,到時親戚朋友就會用呢啲base,再加埋其他自己鍾意嘅香味,調出獨特嘅香水😍。

到婚禮當日,我哋見到好多親戚朋友都排晒隊想調配香水,佢哋都覺得好新奇,好玩🤗。當親戚朋友喺揀完鍾意嘅香水味道之後,會連同自己個名寫落張紙仔到,之後交比佢哋職員,然後隔咗一陣再返去拎就得,好方便👍🏻。好多親戚朋友體驗完之後,都大讚Parisine嘅香水好香,而且仲話個booth佈置得好靚😆。整個過程中令我最深刻印象係Jenny嘅服務💕,佢真係又細心又好貼心。當時喺婚展同我一齊喺booth試味個位同事,佢都有嚟我嘅婚禮。而Jenny見到我嘅同事,不單止認得佢,而且仲記得佢鍾意偏甜嘅香水,並且即刻為我同事調配佢鍾意嘅味,Jenny真係好sweet💯!

回禮禮品/食品
Parisine
2023.04.26

聽到你哋同親戚朋友都咁滿意我哋嘅服務,當日又玩得咁開心,我哋都好興奮😆💕多謝你哋支持👏🏻🎉 祝你哋永遠甜甜蜜蜜,幸福美滿🥂🎊!

Co
4.5
精選評論
雖然婚展有好多香水吧公司可以揀,但本身我對香水吧興趣不大,但係見到Parisine滴立式香水setting好靚😍,就俾佢吸引咗,所以去了解一吓😆。當時嘅staff現場介紹成個package講得好詳細,價錢又合理🥳。不過嗰陣時我冇即刻喺婚展落決定,後來我先搵返佢哋購買Package。我同佢哋職員溝通完之後🥳,跟住就落咗去…

雖然婚展有好多香水吧公司可以揀,但本身我對香水吧興趣不大,但係見到Parisine滴立式香水setting好靚😍,就俾佢吸引咗,所以去了解一吓😆。當時嘅staff現場介紹成個package講得好詳細,價錢又合理🥳。不過嗰陣時我冇即刻喺婚展落決定,後來我先搵返佢哋購買Package。我同佢哋職員溝通完之後🥳,跟住就落咗去佢哋嘅分店俾錢同埋揀香水😝。

我係買咗200支香水嘅package,有100支係pre-set,100支係現場調配🤩。咁我落去舖頭係揀我pre-set想要嘅味道組合,可以揀四款,而現場嘅同事都好Nice同專業💯,比咗好多意見我🤗。到我婚禮當日結束之後,我嘅親戚朋友都有同我講,無論揀Parisine邊隻味都覺得好香👏🏻。加上親戚朋友可以現場自行組合,佢哋覺得好成個體驗好玩之餘,又新鮮,又特別😆。不過都有啲遲嚟嘅客人唔知道呢一個香水吧就係我嘅回禮,所以都有啲人冇去玩到,搞到剩咗一啲香水。不過又咁啱,我有啲朋友婚禮後搵返我,想要返特定嘅幾隻味🥳,有人仲話佢哋之後買香水都想去返Parisine買🤣。

回禮禮品/食品
Parisine
2023.02.20

能夠為你哋嘅親戚朋友帶嚟好玩又新鮮嘅愉快體驗😍,我哋都好開心!😊🎉😍祝賀你哋永結同心,百年好合🎊

最新優惠
聯絡商戶