我喺Facebook篩選左三間婚攝公司，因為我趕住影婚紗相，睇Luna Wedding嘅Facebook覺得啱feel，見到佢哋除咗影Pre Wedding之外，都有幫新人big day 拍攝，加上佢哋嘅價錢吸引，所以就揀咗佢哋啦！😉

我記得一開始我大頭蝦揀漏咗條裙，因為package係包兩條裙嘅，負責人Tammy即時問我想要咩裙，叫同事搵幾條啱我要求嘅裙過嚟pre wedding現場俾我，好細心🥰！ 拍攝嘅時候，佢哋照顧好周到，因為我有咗BB，佢哋周不時都會扶住我，仲會幫我帶埋蚊怕水、蚊貼添😊！見到佢哋Pre Wedding嗰日咁細心，所以我就決定join埋big day package啦！我同先生都唔慣影相，表現有啲尷尬，攝影團隊會搞氣氛，舒緩我哋嘅緊張，等我哋表現得更加自然～ 拍攝過程好enjoy，而且唔會好辛苦。Studio嘅場景比我想像中多，有花牆有屋仔，無論小清新定書香味嘅風格都可以影到，最後睇返啲相都覺得好滿意😍！

Big day我特別要感謝攝影師阿Max，大家都唔熟結婚嘅流程，阿Max就做咗統籌嘅角色，時間控制同搞氣氛都由佢一手包辦，全部野都做得好好👍🏻，雙方父母都讚佢，我真係好多謝佢！因為喺疫情期間搞婚禮，全日婚禮變半日，令到時間變得好緊逼，我最初俾個rundown阿Max嘅時候，佢即刻打電話俾我，講咗好多佢嘅專業意見，幫我執整個rundown，令到我啲時間可以充裕啲～ 最後完晒啲儀式之後，仲有啲時間可以影下花絮添，真係好好，好幫到手！👍🏻 不過因為我屋企地方有限，又多親戚，所以令到條片收音方面可能有啲雜音，我都知道唔關佢哋事嘅。佢哋價錢好合理，相片出嚟嘅效果又好好，我已經介紹咗好多朋友俾佢哋喇！👏🏻

之前都無做咩資料搜集，咁啱係婚展見到佢哋啲相幾靚，價錢啱，sales又nice，所以就join咗佢哋去韓國嘅海外婚攝啦😆。我一開始已經話想去韓國首爾影，佢哋好快就已經話有團啦。

其實佢之前我哋已經見過面傾咗咩地方好啲，估唔到拍攝嗰日由朝影到晚，一開始我哋揀咗五個景點，但係當日佢哋自己又加咗幾個，所以其實total應該有七八個😊️。最貼心嘅係食完lunch佢哋見到個景幾靚又啱我哋套衫，就會叫我哋去影幾張。就算仲剩返少少時間，佢哋都自己加多咗個location，佢哋都無話overrun就要拿拿臨快啲搞掂就算，而係影完晒，無咩其他影先至收工🥺。ot咗都無收到我錢。

啲相收晒啦，好靚啊，係我鍾意嘅風格😍。化妝師要幫手拎嘢咁，可能有多個助手會好啲喇，幫輕下個化妝師啦，佢都好似好忙咁😣。我係去到韓國先剪短頭髮，化妝師都handle到短頭髮🥰。

我已經介紹咗佢哋俾其他朋友啦，最多係揀相嘅時候簡略地睇我哋會唔會揀多幾張，成個過程中我唔會覺得有被逼嘅感覺。而且佢哋會俾個option我，唔會話嗰樣就係最好，逼我哋一定要揀，所以我覺得我嘅朋友都會鍾意呢啲style😝。