我揀Luna Wedding嘅原因係睇咗佢哋啲相，覺得都幾好睇，同埋因為Luna Wedding嘅價錢比較相宜，符合我嘅budget 。🥰溝通嗰陣同事都唔會hard sell，主要都係了解我哋嘅需求，介紹返適合嘅plan俾我哋，介紹得都好清晰。我都問咗好多條問題，但佢哋都好樂意花時間解答，仲會俾好多意見我哋，成個溝通過程都好好，所以我哋最後揀咗影pre-wedding嘅plan。😙

我哋嘅Pre-Wedding就喺海外影，我哋都有事先做足功課，搵啲靚嘅景點，做好交通research，全部揀好之後，再同攝影師傾好路線安排。拍攝嘅當日，影相前都會再同攝影師討論多一次會去邊個景點拍攝，一路上佢哋都好照顧我哋，知道我哋好緊張，一有時間就會同我哋傾計，搞吓笑，令我哋冇咁緊張。影相嗰陣，仲會教我哋擺好多唔同嘅pose，俾我哋嘅指示都係簡單易明。化妝師好專業，髮型同妝容都好自然，個妝唔會濃到認唔到我自己🤣， 同埋佢真係好有經驗，化妝好快手。影相當日都有全程跟住我，如果甩咗少少妝或者個頭散咗，佢都會即刻幫我補妝或者set返好個頭。 成個拍攝過程都好順利，好舒服，我哋嘅路線都安排得好好，而且唔會好趕，大家就唔會太攰。

當日團隊其實就安排咗一位攝影師負責拍攝，另一位就負責拍片，同埋化妝師，總共三位同事一起去海外拍攝。佢哋都好friendly，會盡量幫我哋影多啲靚相，搵好多角度，而且佢哋會事先夾好，溝通好，下個shot要準備啲乜，真係覺得所有部份佢哋都做得好好，完全唔會冇甩漏💕！Luna Wedding都會幫新人微調吓啲相，大致上都好滿意， 影得好自然，覺得團隊真係好專業！

朋友結婚嗰陣認識到Luna Wedding，之後係用whatsapp同佢哋溝通，同事都好專業，好有耐性咁解答我嘅問題，好親切，回覆message都好快。🥰🥰

我哋係搵咗佢哋影Pre wedding，揀咗係Studio度影，佢哋嘅Studio都幾舒服。studio裡面都好整齊同埋好溫馨，拍攝過程攝影團隊都好nice👍。係影相之前，攝影師都會同我哋溝，了解返新人嘅喜好。攝影師好有耐性去話我哋知，可以點樣擺pose，眼神望住邊度，一直guide住我地點做，令到我哋好快投入，可以好relax咁去影相📸️。喺化妝方面自己都冇乜嘢要求，好放心交俾佢哋做，最後出來嘅效果成個妝好perfect自己都好滿意。

當日有一位攝影師同埋助手，佢哋之間都會互相幫忙，大家都好合作、好配合，成個過程都好輕鬆，好開心🥳。 多謝Luna Wedding 幫我哋影pre wedding，俾左我哋一個很難忘的拍攝回憶。😍我同先生都好讚賞呢個團隊😄。