當初喺因為朋友介紹Luna Wedding，當睇完相之後就覺得效果影得幾自然，所以就㨂左佢。而Tammy喺一個好Friendly嘅人，講解Package嘅時候都好舒服，佢會喺傾計過程中都去了解我喺邊種類型嘅人，知道我鍾意比較自然、可愛風格嘅攝影都會幫我哋去安排。😊

我Prewedding同Big Day都喺搵Paul幫手做攝影，佢會教我哋擺唔同嘅Pose，講嘢方式都令我哋好舒服，拍攝嗰陣Paul都會俾啲好好嘅建議我哋，如果突發有啲轉變，佢都可以好快咁幫我哋安排好，喺Big Day嘅時候Paul會講啲笑話出嚟引啲賓客笑，所以大家都玩得幾開心，令到氣氛都唔錯。😌

而幫我哋拍片嘅Jack喺Prewedding時候幫我拍一段好好嘅MV，一開頭都預計唔到，加上Ken影相嘅時候都好好，Prewedding overall嘅相出到嚟效果都好自然，身邊嘅朋友見到Prewedding成品都會讚啲相效果，所以整體上感覺都好好。😍

我同太太本身係對山水風景情有獨鍾，所以影婚紗相都希望係以大自然景觀為主題。咁我哋就見到Luna Wedding有一幅好大嘅油畫，入面嘅相係大帽山到影嘅。所以就即時比佢哋吸引咗，然後就同佢哋嘅化妝師Tammy傾吓計。😄 佢一嚟就已經俾咗好多嘅相我哋睇，我哋見到無論係外景嘅相定係室內嘅相都好有特色，好滿意佢哋嘅style。

Tammy好熱情好細心咁問我哋有冇心水嘅拍攝地點，想睇吓佢哋攝影師之前有冇去過，有冇影過，咁就可以比我哋了解攝影師嘅拍攝手法同風格。成個過程Tammy嘅講解都係非常詳細。🤓Tammy佢除咗係當時serve我哋嘅人之外，佢後來都係我太太嘅化妝師。我太太係要點名稱讚佢嘅妝容化得好好，會根據我太太嘅個人特色、風格去設計一個好適合佢嘅妝容，唔會係周街一樣嘅感覺。

🤩 講返個package先，佢哋公司會送一輯上午嘅Indoor相俾我哋。indoor場地唔算話好多，但係佢有個土耳其feel嘅場景好特別。至於中午我哋就出咗去影外景，去咗沙灣徑同舂坎角，其實我哋本身係想去大帽山㗎，不過當日嘅天色似乎麻麻，未必影到日落，所以就決定改地點。🧐

地點嘅選擇方面體現到佢哋攝影師Max嘅細心，當時我太太已經有咗身孕，都唔係好方便去啲行上行落嘅地方，所以揀嘅沙灣徑同舂坎角，都係好容易去到，成個過程唔會好辛苦。攝影師一路都會關心我太太，睇吓有冇需要休息，又或者有冇咩需要幫忙。😉成個過程佢哋都會不斷同我哋講解，教吓我哋點樣擺pose，點樣可以自然啲。唔少得嘅當然係講笑搞吓氣氛等等啦。😆

影完相之後佢哋做咗一個基本調色就會約我哋上公司度傾精修相，我見到佢哋嘅相真係好靚，所以都忍唔住upgrade咗好多嘅水晶相架、油畫。我覺得如果時間上唔係咁緊迫嘅話可能我會選擇自己出去出面印油畫，但跟佢哋整會比較有安全感同埋都快手啲，🙂雖然價錢就會稍為偏貴，不過都可以理解嘅。

我見佢哋影Pre Wedding嘅時候好落力，啲相都非常靚，後來big day都係搵返佢哋。咁如我所料，big day嘅表現都係非常出色，攝影師阿毅、Paul、攝錄師Jack會搞氣氛啦，都會繼續教我哋點樣擺靚post。😬影相都係好自動波，合照嗰啲都係好快手，好高效率就搞掂晒，完全唔需要我操心。雖然攝影師唔係同賓客有好多交流，但佢都會喺炒興氣氛嘅同時保持住佢嘅專業。😎所以成個過程都係非常流暢大家都係非常輕鬆開心。