我最欣賞Luna Wedding嘅地方係絕對唔hard sell，成個過程好soft好友善。我以前去婚展有接觸過其他公司，有啲真係好chur好chur，而對比起Luna Wedding就好okay，感覺非常良好。所以我由原本嘅pre wedding，一路加一路加，加到big day擺酒、註冊都係搵佢哋幫手。🤣 Luna Wedding嘅政策同套餐都好flexible，唔會迫我一定要跟足套餐啲嘢，如果我有某啲item用唔到都可以轉其他嘢。佢哋因應客人嘅要求作出調整嘅依一點都好難得。至於回覆訊息方面，雖然未必好快覆到但都明白嘅，我都知佢哋盡咗力回覆咁多客人嘅疑問。😉

Luna Wedding pre wedding本身包嘅衫係普通款嘅，你可以另外加錢揀其他，我哋就無再加錢，因為我哋都有帶自己衫去影。同埋普通款嘅男裝都比較少，雖然都知出面啲舖頭都係咁，不過如果多少少就更加好啦。😌我哋影pre wedding當日勁唔好彩黑雨，本身係outdoor嘅，咁就唯有係studio影住先。佢哋嘅場有幾個，有近期好興嘅土耳其風、韓式文青風、書架corner等等。咁因為我當日係著咗素色casual wear先嘅，同土耳其風都好夾。去到下晝停雨就出返去影外景，我就自己額外book咗間賣歐洲古董嘅店舖、大館同維港嘅帆船，因為加咗時間所以都一日去得完三個地方。😆

影Pre wedding嘅時候攝影師唔會要求我哋夾硬擺pose或者夾硬笑，佢係會引導我哋自然咁笑，亦都會教我哋擺啲pose嘅。睇返啲相原來我都有少少寒背，如果當時攝影師可以提一提我就好啦。🤭 化妝師反而係令我幾有驚喜，老實講我試妝嘅時候都係覺得普通，但礙於唔想係出面搵化妝師又洗一筆錢，所以就決定同化妝師講返我嘅意見，又send埋相比佢睇究竟我有咩要求。到真係pre wedding嘅時候係煥然一新嘅感覺，真係好唔同。所以大家要記住多啲同化妝師溝通，咁先可以有你自己理想嘅效果。⭐因為pre wedding我都真係幾滿意佢，所以後來連註冊、擺酒同朋友party都係搵佢幫我化。不過，都希望化妝師可以提供多少少頭飾比新娘子啦，有啲裝飾會令到成個妝更加perfect。🥰

至於pre wedding完咗之後執相果part，因為成個過程都幾趕急，時間好少，所以我都冇睇佢哋執成點就直接攞咗相簿，後來先發現原來係船上嘅相有啲細節位未執好。不過大體嘢例如係天氣、色調都好好。我哋同佢哋反映咗之後佢哋都好nice咁答應重新幫我改完再印過本相簿。☺️佢哋咁nice，所以我都冇理由唔繼續搵佢哋做big day啦。雖然我註冊係兩個鐘都有少少趕，但係攝影師都有盡力幫我哋兩個人影啲單獨照嘅。相信一般攝影師都係主力想影新人嘅，不過我自己個preference反而係想呈現返同賓客係婚禮嘅互動，我自己又無同攝影師講，所以最後同賓客影嘅相就有少少唔夠。不過依個都係每個人喜好唔同仲有溝通唔夠多嘅關係啦，所以大家要記得同攝影師、化妝師講返自己嘅要求呀～

我同先生做research嘅時候篩選過幾間公司，睇過唔同嘅評語，當時已經知道Luna Wedding嘅化妝同攝影師服務都好好。😊後來再親身上公司聽講解，覺得佢哋嘅package先啱我哋心水，順理成章就落咗訂。🤩佢哋嘅職員好貼心，開個whatsapp group比新人問嘢，都會提我哋上去試婚紗等等。😘又會問清楚我哋想影咩景先推介，我自己prefer森林景、海景，佢哋就推介咗獅子會、石澳比我哋，係推介嘅同時會provide埋佢哋係嗰個地方以往影嘅相比我哋參考，等我知道攝影師嘅實力同埋預期效果。😌

另外都會講某一個地點係咩天氣、咩季節影，效果會點，仲幫我哋規劃埋路線添，真係咩都唔需要諗同顧慮。😆我哋當日首先係studio影，然後先出發去景點，完全係充分運用10hrs。攝影師知道我唔識擺pose，每次都好有耐性咁教我，例如係手擺高少少咁。😉我自己冇可能知道自己係鏡頭下係點，全靠攝影師幫我調整、教我、幫我改善。影10個鐘真係唔容易，我自己都影到就來放棄，攝影師就會叫我堅持落去同我講加油。🤭依10個鐘佢哋同我一齊辛苦，但佢哋唔會有怨言，好似已經習慣咗依種辛苦咁。化妝師當日都好盡心盡力幫我，出外景都預咗會有溶妝同油脂粒嘅情況出現。化妝師會不斷幫我補妝，隨時standby幫我。😁每換一套衫又會有一個新嘅髮型，feel到佢好希望我可以用最靚嘅樣上鏡。🥰係攝影師同化妝師嘅共同努力下，好多想都好靚，我好滿意！