一接觸佢地之前作品已經覺得相幾靚又幾好傾，所以第一次就落咗單😁當初係化妝師Tammy同我傾，佢仲比咗卡片我, 叫我有咩都可以搵佢問佢, 同埋叫我地send想要嘅造型比佢睇。咁啱我上去試裙嗰日, 由於我又有選擇困難症，所以就叫佢幫我睇下邊條裙好d😆最後我揀咗條魚尾裙，我本身唔夠膽試，但試完影出黎效果又唔錯😻我係短頭髮嘅，一開始都覺得短頭髮應該唔會set到d好特別嘅造型，但係髮型真係幾有驚喜✨化妝師幫我紮起頭髮，望落去完全唔覺得我係短頭髮。化妝都係效果好好，佢幫我化到同平時唔同、另一個感覺出黎，同時又唔會好韓，好凸顯我嘅五官，過鏡都唔會變阿梅🤭全程我都係冇比reference佢，淨係要靚，所有嘢都係佢幫我諗好曬。我big day都係搵返佢幫我化妝添！

至於攝影師就係White同Max，佢地除咗係影相上教我地點擺pose同埋推介我地去粉嶺大水管、飛鵝山影芒草之外，仲比埋衫嘅意見我☺️開頭我地諗住著晚裝影水管，但係佢地就覺得著便服個效果會好過晚裝，仲幫我地搵埋邊隻色系襯個主題，幫我地sort好曬‼️我同老公搵好曬d衫之後再影比佢地睇，覺得ok就著！我地平時冇乜影相，都係靠佢地話比我地聽做咩，然後我地就好乖咁跟住😝其實本身joinpackage之後佢地會同我地開會嘅，但係因為我地太急所以一直都係wts溝通，但係佢地都依然比到好多support我地🤩結婚又好多嘢要揀真係好煩，有時問老公佢都只係會話你鍾意啦，但係有時真係好難揀，所以佢地嘅advice真係好有用！

我喺Facebook篩選左三間婚攝公司，因為我趕住影婚紗相，睇Luna Wedding嘅Facebook覺得啱feel，見到佢哋除咗影Pre Wedding之外，都有幫新人big day 拍攝，加上佢哋嘅價錢吸引，所以就揀咗佢哋啦！😉

我記得一開始我大頭蝦揀漏咗條裙，因為package係包兩條裙嘅，負責人Tammy即時問我想要咩裙，叫同事搵幾條啱我要求嘅裙過嚟pre wedding現場俾我，好細心🥰！ 拍攝嘅時候，佢哋照顧好周到，因為我有咗BB，佢哋周不時都會扶住我，仲會幫我帶埋蚊怕水、蚊貼添😊！見到佢哋Pre Wedding嗰日咁細心，所以我就決定join埋big day package啦！我同先生都唔慣影相，表現有啲尷尬，攝影團隊會搞氣氛，舒緩我哋嘅緊張，等我哋表現得更加自然～ 拍攝過程好enjoy，而且唔會好辛苦。Studio嘅場景比我想像中多，有花牆有屋仔，無論小清新定書香味嘅風格都可以影到，最後睇返啲相都覺得好滿意😍！

Big day我特別要感謝攝影師阿Max，大家都唔熟結婚嘅流程，阿Max就做咗統籌嘅角色，時間控制同搞氣氛都由佢一手包辦，全部野都做得好好👍🏻，雙方父母都讚佢，我真係好多謝佢！因為喺疫情期間搞婚禮，全日婚禮變半日，令到時間變得好緊逼，我最初俾個rundown阿Max嘅時候，佢即刻打電話俾我，講咗好多佢嘅專業意見，幫我執整個rundown，令到我啲時間可以充裕啲～ 最後完晒啲儀式之後，仲有啲時間可以影下花絮添，真係好好，好幫到手！👍🏻 不過因為我屋企地方有限，又多親戚，所以令到條片收音方面可能有啲雜音，我都知道唔關佢哋事嘅。佢哋價錢好合理，相片出嚟嘅效果又好好，我已經介紹咗好多朋友俾佢哋喇！👏🏻