LUNA WEDDING
4.7
關於 LUNA WEDDING

Luna在拉丁語中代表月亮,西方有月亮女神,東方有月老,她們都是祝福與守護一對對的戀人。這亦是我們的冀望,透過按下快門記錄大家美好甜蜜的一刻,以照片形式保存那份真摯細膩的情感



Luna Wedding 屬香港婚紗攝影公司,提供本地及海外婚紗拍攝、婚禮攝影、錄影、化妝服務。



攝影地點:
本地
海外
攝影地點:
本地
海外
攝影地點:
本地
海外
攝影地點:
本地
海外
最新評論
整體滿意度
4.7
過濾評語:
Chi
4.5
精選評論
我最欣賞Luna Wedding嘅地方係絕對唔hard sell,成個過程好soft好友善。我以前去婚展有接觸過其他公司,有啲真係好chur好chur,而對比起Luna Wedding就好okay,感覺非常良好。所以我由原本嘅pre wedding,一路加一路加,加到big day擺酒、註冊都係搵佢哋幫手。🤣 Luna…

我最欣賞Luna Wedding嘅地方係絕對唔hard sell,成個過程好soft好友善。我以前去婚展有接觸過其他公司,有啲真係好chur好chur,而對比起Luna Wedding就好okay,感覺非常良好。所以我由原本嘅pre wedding,一路加一路加,加到big day擺酒、註冊都係搵佢哋幫手。🤣 Luna Wedding嘅政策同套餐都好flexible,唔會迫我一定要跟足套餐啲嘢,如果我有某啲item用唔到都可以轉其他嘢。佢哋因應客人嘅要求作出調整嘅依一點都好難得。至於回覆訊息方面,雖然未必好快覆到但都明白嘅,我都知佢哋盡咗力回覆咁多客人嘅疑問。😉

Luna Wedding pre wedding本身包嘅衫係普通款嘅,你可以另外加錢揀其他,我哋就無再加錢,因為我哋都有帶自己衫去影。同埋普通款嘅男裝都比較少,雖然都知出面啲舖頭都係咁,不過如果多少少就更加好啦。😌我哋影pre wedding當日勁唔好彩黑雨,本身係outdoor嘅,咁就唯有係studio影住先。佢哋嘅場有幾個,有近期好興嘅土耳其風、韓式文青風、書架corner等等。咁因為我當日係著咗素色casual wear先嘅,同土耳其風都好夾。去到下晝停雨就出返去影外景,我就自己額外book咗間賣歐洲古董嘅店舖、大館同維港嘅帆船,因為加咗時間所以都一日去得完三個地方。😆

影Pre wedding嘅時候攝影師唔會要求我哋夾硬擺pose或者夾硬笑,佢係會引導我哋自然咁笑,亦都會教我哋擺啲pose嘅。睇返啲相原來我都有少少寒背,如果當時攝影師可以提一提我就好啦。🤭 化妝師反而係令我幾有驚喜,老實講我試妝嘅時候都係覺得普通,但礙於唔想係出面搵化妝師又洗一筆錢,所以就決定同化妝師講返我嘅意見,又send埋相比佢睇究竟我有咩要求。到真係pre wedding嘅時候係煥然一新嘅感覺,真係好唔同。所以大家要記住多啲同化妝師溝通,咁先可以有你自己理想嘅效果。⭐因為pre wedding我都真係幾滿意佢,所以後來連註冊、擺酒同朋友party都係搵佢幫我化。不過,都希望化妝師可以提供多少少頭飾比新娘子啦,有啲裝飾會令到成個妝更加perfect。🥰

至於pre wedding完咗之後執相果part,因為成個過程都幾趕急,時間好少,所以我都冇睇佢哋執成點就直接攞咗相簿,後來先發現原來係船上嘅相有啲細節位未執好。不過大體嘢例如係天氣、色調都好好。我哋同佢哋反映咗之後佢哋都好nice咁答應重新幫我改完再印過本相簿。☺️佢哋咁nice,所以我都冇理由唔繼續搵佢哋做big day啦。雖然我註冊係兩個鐘都有少少趕,但係攝影師都有盡力幫我哋兩個人影啲單獨照嘅。相信一般攝影師都係主力想影新人嘅,不過我自己個preference反而係想呈現返同賓客係婚禮嘅互動,我自己又無同攝影師講,所以最後同賓客影嘅相就有少少唔夠。不過依個都係每個人喜好唔同仲有溝通唔夠多嘅關係啦,所以大家要記得同攝影師、化妝師講返自己嘅要求呀~

攝影
LUNA WEDDING
2021.09.28

謝謝你的讚賞和建議,😜我們都好開心可以由pre wedding一直見證到你們結婚,祝你們繼續甜甜蜜蜜蜜,幸福美滿!🎎💞

lunaaaa
4.5
精選評論
一開始留意到Luna Wedding係因為我自己都係叫Luna,我老公見到覺得好有緣份。籌備婚禮嘅初期點都會有比較過其他公司,對比之下發覺都係Luna Wedding嘅職員nice、服務質素高質啲!🤭後來睇到其他人對佢哋嘅comment都係好正面。而我自己睇到嘅相都係好靚嘅,尤其係我想影秋景,睇過佢哋之前客人嘅秋景相都…

一開始留意到Luna Wedding係因為我自己都係叫Luna,我老公見到覺得好有緣份。籌備婚禮嘅初期點都會有比較過其他公司,對比之下發覺都係Luna Wedding嘅職員nice、服務質素高質啲!🤭後來睇到其他人對佢哋嘅comment都係好正面。而我自己睇到嘅相都係好靚嘅,尤其係我想影秋景,睇過佢哋之前客人嘅秋景相都覺得好符合心意。❤️幾種因素集合埋一齊就係我會選擇Luna Wedding嘅原因啦。我哋比咗訂金之後,佢哋就開咗嘅專屬我哋嘅whatsapp group,比我哋講下自己要求。後來開會同揀衫嘅時候佢哋都好盡力咁配合、滿足我嘅要求,反映到佢哋真係以客人為先。👍🏼拍攝當日成個流程都好順利,最靚係下白泥嘅日落相,好唯美。我自己本身唔係特別鍾意影相,有擔心過會唔會唔自然,但睇相之後見到個效果好到係超出預期,唯美之餘,光暗控制都好好。😍靚到我同老公決定額外價錢要多30張,變60張。🤩Package入面係包埋化妝師嘅,化妝師都係好辛苦跟足我全日,隨時standby幫我補妝,甚至教我擺pose添!因為pre-wedding嘅體驗好好,所以我哋都決定join埋big day😎

攝影
LUNA WEDDING
2021.05.18

好感謝你對我地團隊的信任, 見到新人們影相過程開心之餘, 對相片又滿意, 我們都好感動, 希望當天你們可以留下一個難忘的回憶, 祝福你們😊

最新優惠
聯絡商戶