位於海港城的意大利餐廳 Paper Moon，融合現代簡約設計手法於工業風當中，營造出時尚又溫馨的用餐氛圍，讓賓客猶如置身米蘭的時尚和愜意之中。落地玻璃窗映照出醉人的維港景色；設有半開放式私人用餐區及貴賓室，為賓客提供私隱度；佔地近二千尺的露天陽台，可飽覽270度無敵海景，海天一色盡收眼簾。 夕陽映照下，在露天陽台與摯愛許下愛的誓言，接受親友的祝福，感受幸福降臨的喜悅。夜色漸濃，在典雅的意式氛圍中盡情享受意大利美食和美酒，寫下人生中最美好的一頁。 Paper Moon絕對是您理想的婚宴場地之選。
其實揀場地嘅時候，我都有睇過其他地方，不過最後揀咗Paper Moon，主要係因為佢哋嘅同事覆得好快，溝通上完全唔會花好多時間😜。第一次去嘅時候，我哋只係以客人身份去食飯，順便同經理提過我哋有諗過喺Paper Moon搞婚禮。嗰陣雖然佢哋仲開緊門做生意，但都好主動帶我哋周圍去睇環境，感覺真係幾熱情😆。即使 Paper Moon 平時好忙，但都會抽時間俾我哋試菜，或者帶我哋睇吓婚禮場地到時可以點樣set。另外仲有個小細節，Big Day 嗰日Paper Moon送咗支香檳俾我哋，雖然最後冇開到，但佢哋特 登叫我哋要帶返屋企🥰。雖然只係一件小事，但都感覺到佢哋好好，成個過程都幾開心😚。我覺得 PaperMoon 嘅環境幾靚，因為個海景位置真係幾吸引。第一次去睇場已經覺得環境好舒服，同埋幾有格調。嘢食方面，我哋覺得水準幾高，朋友同屋企人都話環境同嘢食都幾好。尤其係一啲準備緊結婚嘅朋友，仲特登嚟問我哋意見，話想將 PaperMoon 放入自己婚禮場地嘅考慮名單😙。 Big Day 當日都有幾個經理全程幫我哋手，我哋有咩需要，隨時都可以搵到人幫忙，反應都好快，令我哋好安心🥳。我哋都有加啲簡單嘅敬茶儀式，所以如果Paper Moon可以提供茶盤或者茶具，或者有同事幫手捧下個盤，成個流程會再順利啲，我哋準備上都會輕鬆好多🤩。
我哋當時都有睇過其他做 wedding dinner 或者 lunch 嘅餐廳，不過最後揀咗 Paper Moon，主要原因係Paper Moon對我哋有紀念意義，加上我哋本身都想要一個以西餐、簡約風格為主嘅婚宴，所以就覺得Paper Moon好合適🥹。餐廳負責人 Hazel 同 John 好樂意聽我哋嘅要求，亦盡量配合我哋，會盡力諗辦法幫我哋解決。由試菜到婚宴當日，成個團隊都好友善，俾到我哋安心嘅感覺☺️。有一樣我特別欣賞嘅係，因為我哋想加一個長輩飲茶嘅環節，但又唔想太傳統。Paper Moon 幫我哋安排咗用西式茶具敬茶。呢個細節令到我哋同長輩之間嘅期望都可以平衡到，所以個氣氛都好好😍。嘢食方面，我哋覺得質素唔錯，都係簡單嘅西式風格。 Paper Moon仲提供埋crew meal，同時都有安排到素食，對賓客嘅飲食需要都幾照顧。就算係小朋友或者有 BB 車嘅家庭， Paper Moon都可以安排座位或者其他嘢食，呢啲位幾貼心😋。除咗場地同食物之外， Paper Moon仲有介紹一啲熟悉嘅vender俾我哋，例如deco、arch嗰啲。 Paper Moon真係幫咗我哋好多，團隊仲要幫我哋set埋 reception 枱，仲會建議燈點樣排。arch佈置方面，如果我哋想微調顏色或者字體， Paper Moon都會幫到我哋🥳。對於我哋想簡單啲完成婚禮嚟講， 真係慳返好多心力。整體感覺係，如果搵 Paper Moon，就唔使再用好多時間去 search 同整合資料，壓力真係少咗。因為我哋本身都想個婚禮簡單啲，所以交俾佢哋處理，成件事會舒服好多！ Paper Moon場地環境同氣氛都好舒服，服務團隊又幫得手，令到我哋籌備過程冇咁大壓力🥹！
