我係喺網上見到Pal Photography，嗰陣覺得佢哋啲相好自然，唔會太做作😆。我哋之前喺pre wedding已經搵過佢哋，所以big day都決定繼續搵Pal Photography。Big day之前，Joey都有詳細了解下當日需要注意嘅地方，會問我哋有冇相係一定要影，同埋早拍晚播有邊啲咩人一定要有。Pal Photography嘅同事俾我嘅感覺係全部都好friend，覺得團隊都好有熱誠👍。Big Day當日，Pal Photography嘅表現真係好專業，又好照顧我哋嘅情緒。影大合照嗰陣，因為我啲親戚比較多，都影咗差唔多兩個鐘，我自己都有少少忟，但佢哋依然表現得好有耐性，仲會利用互動令我哋放鬆啲，氹吓我哋，令影出嚟嘅相睇落會自然啲❤️。

事前我哋都有提及過屋企人嘅關係，或者係屋企邊啲人係最重要嘅人物，影出嚟嘅相都符合我哋事前有提過想要同唔想要嘅嘢，真係100%做到🌟。Pal Photography喺處理屋企人關係嗰方面真係幾好。我爸爸媽媽嘅關係唔係太好，團隊喺溝通嘅時候已經知道咗呢個情況，big day當日都有小心咁處理，冇要佢哋一齊影一啲親密嘅相。成個團隊好明顯有做足功課，每個人都知道要點處理呢個位，咁就唔會令到現場氣氛尷尬🥹。 同埋團隊本身都好有默契，大家都好清楚要企邊一個位影相🥰。

團隊當日主要都係同wedding planner去傾啲細節，例如係拍攝嘅角度同外影嘅地點，佢哋都配合得好好，唔需要我哋操心，淨係跟住佢哋嘅指示做就可以💯。同埋我哋都比較多親朋戚友， 佢哋都好滿意Pal Photography攝影嘅安排。因為團隊都可以令我哋當日表現得自然啲，所以我哋嗰啲早拍晚播同相都好睇到我哋個性格，睇返真係覺得好開心同自然💕。之後一收到啲相同片都冇再要團隊去執，因為我哋本身就係想要啲相係互動多啲，啲相真係做到好開心好幸福嘅感覺💖。

我認識到Pal Photography係因為朋友介紹，再加上上網都睇到佢哋影嘅相。睇過佢哋嘅相之後，都鍾意佢哋個風格，所以就決定揀Pal Photography👍！成個溝通過程都好順利，團隊覆得非常快，價錢亦都合理。當中我都有唔少疑問，同佢哋傾Big Day rundown嘅時候，團隊非常有耐心，會俾好多意見我哋，例如係要點樣安排時間、拍攝風格等等，又或者係一些細節方面，例如係影First look 同March in 嘅角度，團隊都滿足到我嘅要求💖。

我覺得Pal Photography係專業嗰方面真係滿分，最驚喜係當日夜晚團隊已經曬返嗰朝影嘅相，一啲即影即有俾我哋，真係好快手🌟。明明佢哋好忙，但係團隊都有啲相可以ready到俾我哋，散席嗰陣時已經俾咗幾張相我，第二日朝頭早又收到幾十張已經tune好曬色嘅相，真係好開心😚。 攝影師都好主動幫我哋手！因為我證婚嘅時候要準備啲誓詞卡，我原本打算自己買，攝影師就話佢可以幫我準備，就連外影用嘅道具都係佢準備，雖然喺一啲細微位，但係都真係減輕咗我哋嘅負擔🥹！當攝影師話攝影可以交俾佢負責嘅時候，我真係覺得可以諗少好多嘢， 真係好放心🥰。 同埋團隊都好細心，當日嚟嘅時候團隊幫我計埋點樣可以一架車車曬所有人，冇分開call的士過嚟，幫我哋慳返啲錢。

當日影相好開心，完全冇冷場，我都好enjoy，冇特別擔心啲時間，反而係團隊一直幫我睇住啲時間。冇咗Pal Photography，真係會冇咁順利❤️。我哋有啲咩要求團隊都會話好，因為我自己比較特別，影咗相先敬酒，所以夜晚啲時間係好緊絀，但Pal Photography表現都好好，同MC配合到，啲相出到嚟又好睇，之後都有朋友拎佢哋嘅contact😚！