我老公對光影、構圖等都幾有要求，上網睇過下Pal Photography啲作品，幾鍾意佢哋video嘅風格，望落覺得攝影師幾有sense，而且佢哋嘅價錢又好合理，加埋質素又唔錯，我覺得性價比都幾高，就揀咗佢哋big day拍攝。Big day之前，攝影師Joey同我哋都有開過會傾下rundown點安排，佢仲係場地佈置，甚至係揀禮服同化妝方面等各方面都俾咗好多有用嘅意見俾我哋，講解亦都好清晰，好中points，真係好幫到手👍🏻。

Big day當日，睇得出Pal Photography攝影團隊好有耐心🤩，就算嗰日影咗十五個鐘，佢哋一直都係咁用心，完全唔會hea。佢哋做嘢仲好快手，雖然我哋嗰陣行禮遲咗少少，但Joey佢哋當日影完，好快手就就剪好咗條片，效果仲好好，我哋都好鍾意。除此之外，我哋覺等Pal Photography嘅service hour都好彈性，攝影團隊會用盡啲時間幫我哋影相，唔會話set咗幾點完就按部就班🥰。同埋，我覺得Joey佢哋對客好公道，做事好均真。我哋有join咗即場派相服務，package係包咗300張相。之後Joey同我哋講，話由於迎賓影相嘅時間唔係好長，變相影唔到好多相，所以佢就就建議我哋影埋教堂嗰啲相嚟派，想幫我哋盡量用曬 300 張quota，我覺得佢好細心，好為我哋考慮😍！

所以整體黎講，Pal Photography冇乜需要挑剔💯，以佢哋嘅services係絕對值得更高嘅價錢。我同我老公都覺佢哋啲相嘅構圖做得好好，調色、較光暗亦都花咗好多心機幫我哋整，整嘅相都冇炒到車，呢個係好難得，我都介紹咗Pal Photography俾我啲朋友，朋友都話結婚一定會揀返佢哋幫手😆。

我之前上網搵攝影公司個陣，睇到Pal Photography嘅相，我覺得佢啲相嘅風格係咁多間公司入面最鍾意，調色偏向清新自然，係我想要嘅style，於是就揀咗佢哋join咗big day。由於當時正值疫情，所以我同攝影師Joey大部分時間都透過電話溝通，我覺得佢真係好幫得手，係唔同方面都有比意見，好專業💯。Joey仲好細心咁幫我安排咗好多嘢，又會同我分享下佢以往嘅工作經驗同婚禮上要注意嘅細節，又講下影相嘅流程係點，方便我哋plan rundown，比咗好多有用嘅建議我，所以我都好放心將big day交晒比佢，都唔洗自己煩🥰。

Big day當日，佢哋將時間控制得幾好，我哋都同拍攝團隊溝通都好融洽，相處得好愉快🥳。我覺得Joey安排得好好，佢仲好幽默，會講笑話氹下我哋，令我哋冇咁緊張，又會令到親戚朋友開懷大笑，然後好順利咁幫我哋影到好多唔同角度嘅靚相，我都好滿意。最印象深刻係，雖然嗰日係落雨天，不過攝影團隊都好窩心，喺中場一有時間都會幫我哋安排去唔同室內地方，爭取時間影多啲相。有佢哋幫手，當晚流程都相當暢順，冇阻滯👍🏻。