當初我一睇佢哋po出嚟既sample相就已經好鍾意，特別係佢哋tune相tune得好靚，出嚟嘅顏色就係我要搵嘅嘢。啲相啱心水就決定聯絡佢哋問價錢啦，當時好Impress 到我嘅就係佢哋真係回覆得好快👍🏻，因為我一路以來嘅經驗就係如果你已經光顧咗佢，佢哋都會着緊啲回覆得你快啲。但係Pal Photography就算你未係佢嘅客佢哋都會好着緊好快咁回覆你嘅查詢，仲要答得好詳細！😛Anyway 跟住就決定上去佢哋度睇衫睇款啦，睇完之後真係覺得好啱就決定幫襯佢哋啦。😎

影相嘅風格上我係比較鍾意啲簡單同清新啲嘅感覺， 而我同我未婚夫當時真係好想喺香港影一輯有本地元素嘅Pre Wedding相，係佢哋嗰度傾package嘅時候就留意到佢哋有一張香港嘅夜景相影得非常之靚🤩，嗰一刻我就決定咗一定要搵佢哋影香港嘅夜景喇。🤓攝影師 Joey真係好幫手，一見面就已經好用心幫我撿衫，因為我自己對撿衫係毫無頭緒，而Joey係會睇住我嘅身形同埋要求幫我揀最合適嘅衫去配合我， 可能因為佢本身係一位攝影師所以佢會識用攝影師嘅眼光去幫我揀衫。👍🏻

當日rundown都好順利，我哋開始係中環影咗一排，跟住就入去長洲，所以啲時間都好靠Joey佢哋幫我哋我睇實，特別坐船同埋係轉場景，如果唔係佢哋幫我睇時間一定影唔晒而最後都真係好好可以影晒所有景點。👍🏻👍🏻 一定要讚佢哋嘅就係當日天氣非常之熱， 當時影相嘅時候係差唔多係打風季節， 因為打風之前天氣都會非常之熱，而當日我自己都熱到就嚟頂唔順，搞到自己心情都真係好煩，但係Joey佢哋不單止唔會俾我覺得佢哋辛苦，佢哋仲可以保持笑容keep到個氣氛好開心咁😄，佢哋既開心搞到我都開心埋！呢點真係唔簡單！！💯😄就住呢一點我真係一路都會記住，好多謝佢哋！🧡另外要提嘅就係化妝師，我本身唔係一個成日化妝嘅人，所以我對化妝都唔係話好有認識，而Joey就好好咁幫我搵咗一個好好好嘅化妝師當日陪住我，一路幫我補妝一路幫我抹汗，最後出嚟嘅妝容都真係好靚，都真係我想要嘅嘢。

今次揀嘅景點行程全部都係我同我老公行過嘅地方。而長洲呢一個山為就係我哋以前行山會行嘅地方。我最expect唔到嘅就係入咗長洲佢哋有一個地方可以放航拍機，😲而呢一點係我冇諗過佢哋會做俾我嘅，因為我都有問過其他新人，佢哋都話如果拍航拍可能會加錢，但係佢哋都冇， 嗰日因為天空係全藍色，拍到全個山既全境，而呢個山對我哋實在係太有紀念價值喇，而拍出嚟效果真係好靚。😍

我自己對影相擺pose都係完全冇經驗嘅，所以我都同佢哋一早講明話你要我望邊度，睇邊度，隻手擺邊度，都要好好咁指教我，🙈而當時佢哋真係做到話到俾我聽我應該點做， 出嚟效果真係好自然，只可以話佢哋教得我哋好好，我超驚訝我都擺到呢D pose！

我唔知道出面影完之後幾時先有相睇，但係我哋影完隔咗兩三日就已經有Preview， 睇preview嘅時候出嚟嘅效果已經非常之好！🤩🤩最後仲要再提既就係我同我男朋友都係工作非常之忙嘅人，影Pre Wedding之前根本都唔知要準備啲乜嘢，但係Pal Photography佢哋團隊一早已經幫我哋準備咗小道具，到時佢攞埋出嚟拍攝我哋真係好appreciate，呢一點我真係冇expect到。其實係佢哋角度可能係舉手之勞因為橫掂用開咪帶埋去囉， 但係在我來講佢唔準備其實真係可以，但係佢準備咗俾我 就真係一個bonus喇！🥰

我老公對光影、構圖等都幾有要求，上網睇過下Pal Photography啲作品，幾鍾意佢哋video嘅風格，望落覺得攝影師幾有sense，而且佢哋嘅價錢又好合理，加埋質素又唔錯，我覺得性價比都幾高，就揀咗佢哋big day拍攝。Big day之前，攝影師Joey同我哋都有開過會傾下rundown點安排，佢仲係場地佈置，甚至係揀禮服同化妝方面等各方面都俾咗好多有用嘅意見俾我哋，講解亦都好清晰，好中points，真係好幫到手👍🏻。

Big day當日，睇得出Pal Photography攝影團隊好有耐心🤩，就算嗰日影咗十五個鐘，佢哋一直都係咁用心，完全唔會hea。佢哋做嘢仲好快手，雖然我哋嗰陣行禮遲咗少少，但Joey佢哋當日影完，好快手就就剪好咗條片，效果仲好好，我哋都好鍾意。除此之外，我哋覺等Pal Photography嘅service hour都好彈性，攝影團隊會用盡啲時間幫我哋影相，唔會話set咗幾點完就按部就班🥰。同埋，我覺得Joey佢哋對客好公道，做事好均真。我哋有join咗即場派相服務，package係包咗300張相。之後Joey同我哋講，話由於迎賓影相嘅時間唔係好長，變相影唔到好多相，所以佢就就建議我哋影埋教堂嗰啲相嚟派，想幫我哋盡量用曬 300 張quota，我覺得佢好細心，好為我哋考慮😍！

所以整體黎講，Pal Photography冇乜需要挑剔💯，以佢哋嘅services係絕對值得更高嘅價錢。我同我老公都覺佢哋啲相嘅構圖做得好好，調色、較光暗亦都花咗好多心機幫我哋整，整嘅相都冇炒到車，呢個係好難得，我都介紹咗Pal Photography俾我啲朋友，朋友都話結婚一定會揀返佢哋幫手😆。