Pal Photography是一支專業的攝影團隊，擅長為新人拍攝婚紗攝影、婚禮攝影和錄影。他們已經拍攝了超過 700 場婚禮，對各種大小的婚禮流程相當熟悉。
該團隊的創辦人 Joey 深信一輯婚紗照片對新人來說是一生的回憶，因此每張照片都要包含新人喜歡的元素。她堅持在每次拍攝前先用心了解新人，通過輕鬆的交談相互了解，以朋友的態度真誠相處，打造理想的拍攝氛圍。她說：「除了捕捉唯美的影像，記錄婚禮背後的每一刻故事也同樣重要。那些屬於新人的感覺是讓人回味的畫面。」
他們從旁捕捉所有人的一舉一動，簡單直接地記錄真情實景，這已經是最令人刻骨銘心。
AWARD
我之前上網搵攝影公司個陣，睇到Pal Photography嘅相，我覺得佢啲相嘅風格係咁多間公司入面最鍾意，調色偏向清新自然，係我想要嘅style，於是就揀咗佢哋join咗big day。由於當時正值疫情，所以我同攝影師Joey大部分時間都透過電話溝通，我覺得佢真係好幫得手，係唔同方面都有比意見，好專業💯。Joey仲好細心咁幫我安排咗好多嘢，又會同我分享下佢以往嘅工作經驗同婚禮上要注意嘅細節，又講下影相嘅流程係點，方便我哋plan rundown，比咗好多有用嘅建議我，所以我都好放心將big day交晒比佢，都唔洗自己煩🥰。
Big day當日，佢哋將時間控制得幾好，我哋都同拍攝團隊溝通都好融洽，相處得好愉快🥳。我覺得Joey安排得好好，佢仲好幽默，會講笑話氹下我哋，令我哋冇咁緊張，又會令到親戚朋友開懷大笑，然後好順利咁幫我哋影到好多唔同角度嘅靚相，我都好滿意。最印象深刻係，雖然嗰日係落雨天，不過攝影團隊都好窩心，喺中場一有時間都會幫我哋安排去唔同室內地方，爭取時間影多啲相。有佢哋幫手，當晚流程都相當暢順，冇阻滯👍🏻。
我哋都好榮幸可以參與到兩位嘅婚禮，幫你哋記錄一段美好快樂嘅回憶，祝兩位永遠都甜甜蜜蜜，開開心心🥂🎊！
我未結婚嘅時候已經留意左呢個攝影師好耐，覺得佢影相嘅風格好自然，所以一早都諗定自己結婚嘅時候要搵佢。佢一如我想像中佢咁好，無論係影相嘅角度、執相嘅調色等等，所有效果都非常之好，而且回相嘅速度都好快添。