Hyatt Centric嘅場地自由度都好高，因為係pet-friendly，日期上又配合到我哋，同事都好有經驗，而且安排得好好，所以就揀咗佢哋。同事好Friendly 同專業🥰，喺rundown 上都俾到好多意見我哋， 又會盡力配合我哋嘅要求，例如餐單上佢哋都可以配合到素食者嘅要求，咁就照顧到唔同賓客嘅需要👍。

Big Day前我同Hyatt Centric都開過會，會睇一次成個rundown同confirm餐單，table number🌟。因為我哋斟茶都喺酒店到做，佢哋仲幫我準備好所有會用到嘅嘢！因為佢哋都好清楚成個流程，所以一直喺側邊幫我哋手，確保所有嘢都順順利利。佢哋嘅同事仲會keep住問我哋有冇咩特別需要。因為場地有一半係戶外場， 佢哋都有準備plan b同c俾我哋，又會同我哋講返如果到時落雨會點樣處理，避免因為天氣情況影響我哋嘅婚禮😖。佢個場係好modern同舒服， 就算未必個個賓客都有位坐，但企都會夠晒位💯。同埋有啲太陽傘可以照顧下啲賓客，大家想free啲嘅時候都可以出去戶外行下💕！

啲賓客都好enjoy啲嘢食😍，比較特別係佢哋係可以兩個人share一set嘢食， 所以啲賓客對我哋嘅婚禮都好有印象🤣。 因為係午宴嘅關係，時間都比較少，佢哋嘅同事好好，將每一set嘅嘢食都主動送嚟俾我，確保我哋都有嘢食食😝。 當日我有朋友生日， Hyatt Centric都有準備到甜品俾佢😋。

原本室內場係唔可以帶寵物，但嗰日我哋玩得好開心，佢哋見到狗狗跑咗入去室內場都冇特別理🥹。 Hyatt Centric嘅同事當日都好開心，有啲感動到喊咗，感覺到佢哋真係用心去參與我哋嘅婚禮❤️。比起之前睇過嘅一啲場，好似淨係想我哋俾錢，商業化嘅感覺係完全唔同。之後先知原來Hyatt Centric準備咗一啲餐飲coupon俾我哋， 呢個位令我覺得幾窩心💗。婚禮完咗佢哋都有send message俾我哋， 問吓我哋覺得點樣。我有個朋友係攝影師，之後去返Hyatt Centric影相，同事都仲記得我哋， 所以真係覺得Hyatt Centric對我哋好上心💘！

我自己鍾意Hyatt Centric Victoria Harbour嘅環境!個景色好靚😍之餘，餐廳嘅裝修都好符合我鍾意嘅風格❣️。喺Candy Corner 或者裝飾點樣擺呢一方面，佢哋嘅同事都好落力，又會俾啲參考我哋，令我哋更加有方向💯。

同事Fion好 friendly😚，我哋前前後後都去咗Hyatt Centric Victoria Harbour幾次， 有兩次係我自己去， 有一次係同Production House嘅同事去， 最後一次就係去做final checking嘅時候。Fion每一次都盡量抽時間去跟住我哋， 會預留充足嘅時間同我哋解釋返啲細節， 就算佢唔得閒都會搵其他同事幫手， 所以佢係一個好盡責嘅同事😍。 大家都知Big Day嗰日可能會打風嗰陣，Hyatt Centric Victoria Harbour都有準備到其他plan，又會問下我哋意見🥰，睇吓想繼續擺定點。好彩嗰日最後只係打3號風球。之前菜單有少少問題， 唔同嘅同事同餐廳經理都有幫手，問吓廚房可唔可以幫到我😋。就算唔知最後會唔會成功， 佢哋都好樂意去幫忙❤️。我覺得佢哋好細心好體貼， 會盡佢哋所能去幫我哋。