我地預定時間係1530check in，1500 去到已經打曬蛇餅。知道可以online check in就打去hotline問問，點知佢話因為book嘅時候冇generate到條link，依家處理唔到。

咁我就話趕住decoration，同婚禮package可唔可以有其他處理方法。佢哋職員一路話幫我處理但一路都冇派人手，冇了解情況。 9個字後再打去hotline先叫我哋上22樓check in但係冇房卡根本上唔到去，搞咗好耐終於上到。我原本book 3間套房，點知得2間ready另一間要等到7點。wedding package本身包啲中式喜慶物品，我request要白色嘅床舖同加床。上到去一個要求都冇做到，再打去問，又要再等多2個鐘先有人幫手，成件事好混亂。

佢哋真係得個景靚，內部好多嘢都壞。我爸爸媽媽想睇電視，電視遙控都壞。諗住打去換遙控，連房入面部電話都係壞嘅，真係勁無言。叫親佢都要等勁耐先可以處理問題，期間係要催，佢哋係唔會比直線電話而只係得general hotline，就要不斷左駁右駁。終於有人答覆就話front desk同事好唔得閒，叫我留底電話遲啲再回覆，留咗4-5次都係冇人回覆過。

最後就冇加到床，搞到我同我爸爸媽媽一間房，我老公同老爺奶奶一間房。真係唔知比咗錢，點解可以話完全冇service可言。

如果你都係鍾意特別菜式、飲品同戶外餐廳嘅人，我覺得Hyatt Centric係唔錯嘅選擇。😬Hyatt Centric嘅食物係類似fusion菜咁，乜都有啲，同其他午宴嘅菜單好唔同，無咁悶。菜單當中有海鮮，佢哋嘅海鮮都係好新鮮嘅，值得一讚～😍唔單止係菜式，飲品都係，我以為一般都係得啲可樂雪碧汽水，但佢哋會提供即溝嘅好似fruit punch咁嘅特別野飲，咖啡都唔錯嘅，係好別出心裁，就連我啲親戚朋友都話係out of expectation添㗎。😉

開頭我去餐廳嘅時候係佢哋event manager Carrie接觸我同follow up嘅，銷售過程當中完全冇壓力，多數都係比啲information我，話我知疫情之下其他賓客會點做啊，流程大約又係點啊。我嘅要求佢都會盡量entertain同fulfill，令我對佢哋嘅服務好有信心，都知道佢哋係專業嘅。所以我睇完一次場就即刻落單。😳去到big day當日，我估唔到Carrie都會全程standby，我真係安心好多，真係一個好大嘅加分位。👍🏼 當日天氣時好時壞，朝早有雨之後又有陽光所以戶外嘅decoration擺放都比較麻煩。但係當一出咗太陽之後，佢哋嘅staff唔需要我提，就好自動自覺將啲decoration擺返出來，睇得出其實佢哋都好有經驗。不過佢哋嘅staff反應真係太快啦，有時有賓客行出去影幾張相返來，檯上面嘅食物已經唔同咗，佢哋就同返我講其實未食完仲想食㗎，因為都幾好食，😂我覺得都係對佢哋食物質素一個間接嘅讚賞來哈哈！