上次喺社交平台channel見到有人分享過Hyatt Centric，覺得佢哋酒店嘅環境幾OK。由於當時疫情限咗人數，所以big day都想細搞，而Hyatt Centric嘅價錢就符合我哋嘅budget，場地大細又fit，佈置得都幾好，又有海景，對住個維多利亞港🤩。其實我做過好多research都覺得好OK，親自上去望過之後就即刻訂咗佢哋嘅西式lunch plan。當時負責我哋嘅同事係Fion，佢做嘢真係仔細，態度好積極，有主動溝通，所有嘢都跟得好貼🥰。同埋，我哋返工約時間都比較難夾，但佢都好願意遷就我哋，所以有Fion喺度，我哋都好放心。

當日嘅rundown好順，上菜都好快，份量都足夠，屋企人同朋友都食得好開心，我都冇諗過東南亞菜可以咁好食😆，親友都大讚好好味。Hyatt Centric服務真係好貼心，佢哋會因應客人唔同需求set唔同餸菜，例如有啲長輩同小朋友唔食得辣或者酸會作出調整，有啲生嘢都會轉返熟食，有啲對食物敏感嘅都會幫我哋轉menu。由於酒店嘅總廚係外國人，Fion擔心我哋溝通上唔係好方便，就全日喺隔離幫我。最令我窩心嘅係💕，Fion知我太忙冇乜點食嘢，佢專登叫廚房額外煮一份嘢食俾我拎返屋企，超級sweet。佢除咗細心之外，處理問題都好識變通，會幫我處理曬啲小插曲，例如有客人落咗中文名，但稱呼佢哋英文名嗰陣，佢會同我哋再三確認。同埋，我哋喺室外證婚嗰陣又熱又曬，佢又會叫人送水俾我哋飲🤩。總括嚟講，我哋全部人對Hyatt Centric都係有讚冇彈，所有嘢都做得好完美。

因為我之前喺Hyatt Centric staycation過又食過晚餐，整個體驗都幾好，所以我揀婚禮場地就第一時間諗到Hyatt Centric😆，於是去了解一下。而當時接待我哋嘅係Carrie，佢態度友善🥳，講解package又好清晰，例如會介紹indoor同outdoor嘅場地環境，又會講下唔同場地擺嘅圍席數量，每一part都講解得好詳細👍🏻。所以當我比較過其他場地之後，我都係覺得Hyatt Centric嘅價錢比較適合，另外就係環境比較吸引，因為Hyatt Centric有落地玻璃可以望到海景，而且仲有一個outdoor嘅位置俾我證婚😍。

婚禮之前，Hyatt Centric嘅職員都好幫得手🤩。佢哋會安排我哋rehearsal，同幫我哋準備名牌、menu牌同drink list。另外，由於Hyatt Centric同我請嘅decor公司本身都有合作開，所以係各方面都能夠配合到，而成個溝通過程都好順利😊。

婚禮當日，我哋都book咗Hyatt Centric嘅房出門🤗。酒店好細心，會提供埋跪墊、斟茶嘅茶具，床具用品又會換晒紅色，有好喜慶嘅感覺🥳，所以我都喺房入邊影咗好多靚相🥰。到證婚嘅時候，由於我係戶外進行證婚儀式，但當日落雨，佢哋同事嘅應變能力好強👍🏻，即刻提供咗好大嘅太陽傘俾我哋擋雨，真係好細心，令我哋嘅證婚冇受到影響。午宴嘅時候，Hyatt Centric有足夠嘅同事幫手，令成個流程都好順暢。之後，我嘅親戚朋友都大讚個場地好靚，食物又好味，當中嘅牛肉仲大受好評👏🏻。整體嚟講，我覺得Hyatt Centric係各方面都同我預期中一樣咁好💯。