我上網搵資料，見到Hyatt Centric有個outdoor嘅terrace，我老婆特別鍾意❤️，所以我二話不說就聯絡咗酒店，而酒店嘅時間同地理位置都符合我哋嘅要求，最後我哋就揀咗喺Hyatt Centric舉辦午宴🤗。主要同我哋聯絡嘅係Carrie，佢真係好幫得手，專業得來又好有經驗💯。有時我哋都會有啲擔憂，佢都會take care埋我哋嘅情緒。另外只要酒店可以配合到嘅嘢，佢哋都會盡量配合，呢樣嘢我哋覺得好重要！另外餐廳經理Kenny都好幫得手，讚👍～

不得不讚Carrie真係好細心，佢好多嘢都係親力親為，事無大小都幫我哋解決💕，例如佢會主動同我哋講酒店有茶壺可以提供，叫我哋可以帶少樣嘢。佢每次都會先我一步幫我哋打點晒要準備嘅嘢，處處為我哋著想，所以喺Carrie嘅幫忙下我哋真係好多嘢都唔使煩🎉，所以我同我老婆都好信任佢。

我覺得Hyatt Centric出門房嘅設備都唔錯😄，我哋要求嘅嘢佢哋都有準備到。有啲可惜就係，我本身想訂最大間嘅出門房，但已經full booking😆。另外，有好多親戚朋友都話食物質素高，味道同份量都好滿意👏🏻，服務態度又好好。而我自己就對佢哋嘅Background Music好滿意👍🏻。

總括來講，我覺得酒店嘅Staff都好主動幫手，應變能力又高。而酒店方面好多嘢都會幫得就幫，好多嘢都好願意，好主動同我哋配合👍🏻！

因為我哋想狗狗🐶都出席我哋婚禮，要係戶外場地，而且又可以飲食，Hyatt Centric符合曬我哋嘅要求😻。 Hyatt Centric 嘅職員好盡責，Carrie講解package清楚詳細，態度良好😊，有時候唔係辦公時間，佢都會WhatsApp回覆我嘅問題👏🏻。嗰陣我哋唔係好清楚rundown可以點樣整得更好，Carrie都俾咗好多意見我哋，只要關於酒店可以配合嘅，佢都有幫我哋處理好🙏🏻，例如音響點樣搞、同我哋講返戶外證婚嘅流程、幾時開席等等，佢真係好好👍🏻！

而Hyatt Centric配合我哋嘅狗狗出席，佢哋有專門俾狗狗嘅飲食package，賣相仲好精緻🤗。聽聞每期嘅食物內容都唔同，今次我揀呢個係點心車🤩。Hyatt Centric嘅戶外場地又會有一啲扣方便我哋安置狗狗，安置狗狗嗰邊都會有專門嘅職員幫我哋睇住，令我哋好安心。佢哋仲會有專門一間房專門俾狗狗瞓覺，嗰度都有糧兜同水兜，而且係俾佢哋瞓梳化仔，唔係瞓地下，超讚👍🏻！

我覺得酒店提供用具方便都做得唔錯🤩，佢哋有準備敬茶用品俾我哋。我哋要求要蒸氣熨斗、拖把，佢哋都有準備齊全😍。我哋要轉場嘅時候，都體驗咗佢嘅Room Service，食物質素都唔錯㗎😻，職員做嘢都好快手。至於飲品提供方面可以更靈活變通就更好😆。原本我哋package係無包嘢飲，所以我哋另外加錢買咗兩個鐘頭嘅飲品任飲，但酒店到證完婚後先會開始安排飲品。但如果當賓客一嚟到嘅時候，如果酒店有茶水提供，我覺得就會更貼心😘。其實酒店會盡量配合我哋要求，令到婚禮都好流暢，但如果CP值高啲就更好，可以有多啲裝飾嘅服務。我哋喺戶外進行證婚環節嘅時候，如果有現場直播就會更好。我覺得整體其實已經幾好，例如餐廳兩位經理好幫得手，而每個職員都有高質素嘅服務態度💯。

我想特別讚下酒店嘅職員反應力都快，所有職員都態度友善同埋盡心盡力🥳。嗰日我有啲賓客係不請自來，佢哋都可以好快安排到座位。另外，我哋揀嘅裝飾公司搞錯咗時間，不過好彩酒店都盡力配合佢哋，最後令件事都順利解決，令我哋可以煩少樣嘢😌。