我係透過planner介紹羅勤芳大妗姐，通過WhatsApp聯絡之後都有見面。我覺得芳姐好和藹，好專業同埋好熱心😁。最後就用咗佢嘅big day出門同入門嘅服務，同埋跟佢去買過大禮嘅套裝。 芳姐覆message覆得好快，因為我主要係用WhatsApp聯絡，有時夜晚先會諗起婚禮籌備嘅嘢，但係芳姐都會覆得好快同好仔細，亦都好有耐心解答我嘅問題，🥰另外芳姐從來都唔會hard sell我任何嘢。例如我想買啲金器都會問下芳姐先，咁佢都會介紹相熟嘅金鋪畀我哋，最後就算唔係喺佢介紹嗰度買，都完全冇問題，佢純粹係好樂意分享😉。

出門同入門個日屋企都好多人，都有成70-80個人，所以感覺好緊張🙈。芳姐講咗啲吉利說話，講得好大體，暖和咗啲緊張嘅氣氛，咁大家都好開心好舒服，成個出入門過程都好順利。🥰前一晚，芳姐都會同planner夾定同briefing部分人嘅工作，表現得好專業，真係唔簡單啊👏！

我覺得芳姐好好嘅係，喺安排環節嘅時侯都有俾好多意見，同埋唔同嘅選擇。過大禮嗰日，我冇請芳姐，淨係買咗佢啲套裝，但係佢都好好，叫咗個助手美姐過嚟，美姐有帶埋2個助手嚟搬搬抬抬送禮嘅嘢，我覺得好surprise，好good service🥰。 整個過大禮嘅過程好順利，啲傳統嘢都做得好好，好專業，交畀佢哋真係好放心。👍在場啲兄弟姊妹都會同我攞contact。

睇過關於芳姐嘅評語都覺得佢唔錯😚，同埋知道佢會做到我想要嘅效果，所以就揀咗芳姐❣️。我覺得芳姐好專業，一啲專業嘅知識同埋細節都會解釋得好清楚🌟。我哋揀咗出門嘅服務，之前佢都會同我哋再講多一次成個流程係點樣，又會問我哋有冇啲咩特別嘅問題想問😚。喺成個流程當中我哋都覺得佢好熟悉一啲細節，所以都覺得佢一個好好嘅大妗姐💖！

芳姐嘅專業都令到我哋好放心， 而且佢好親切，令都我哋有啲咩問題都會主動提出，唔會覺得尷尬😙。當日成個過程都好順利，啲長輩都話佢好好，我哋都好滿意🌟！成個出門嘅氣氛都幾好❤️。我覺得芳姐好負責任同埋臨場應變能力好好，佢又唔會特別計住啲鐘數，好多嘢都係幫到就幫👍。本身屋企人唔係好熟悉呢一啲儀式，佢哋會覺得麻煩，但係經過咗嗰日之後，佢哋覺得其實都唔係特別繁複，同埋都幾開心🥳。我都會介紹芳姐比朋友，我覺得搞婚禮嗰陣可能會有啲拗撬，但係搵咗芳姐就會覺得個場面好啲，大家都開開心心❣️！