我開頭係婚展見到Red Wedding嘅sample入面有自己朋友，都真係幾surprise，仲要唔止見到1對朋友。😳於是就係朋友口中得知佢哋唔錯，同埋發現都真係幾受歡迎。加上當初搵pre wedding嘅時候未有covid，係target去土耳其影嘅。見佢哋係土耳其影嘅相好有電影感，好特別、好鍾意個感覺。😍

可惜最後要留係香港影影樓加外景，本身好期待去土耳其㗎嘛，不過佢哋係香港影嘅相都係一流嘅。我由婚展到試衫再到影相當日都係同一隊crew幫我，佢哋見證曬成個過程。😂我係feel到佢哋同事之間係合作無間，好家庭式嘅感覺。Sales Mo一路跟到我去big day、試衫嘅時候四嬸幫我揀款、lisa姨幫我改衫，真係好warm。💞

到影相當日，攝影團隊都係好nice，好幫得手。特別係我當日整爆手指公，佢哋即刻幫我包紮（後期P圖都唔覺有繃帶）😆跌咗嘢落石壆攝影師Jason幫我跳落去執返，超好人！同埋佢都會講爛gag搞下氣氛，好似周星馳啲對白咁都幾歡樂㗎。😝仲有我紮藍色滿天星由於係噴染啲色，搞到化妝師同assistant成隻手都係藍色，勁唔好意思，但係佢哋都無比面色我睇，好好人。😅雖然我知化妝師已經有按我要求，盡力淡妝，我都明白係因為上鏡要重手少少先好睇，但現實睇都真係覺得幾濃，不過睇相靚就得啦～😎

影完相之後佢哋又會提我揀相，怕我整唔切相簿for big day，真係好貼心。我big day嘅裙雖然唔係佢哋度租，但係奶奶衫係。佢哋就諗辦法令我可以唔需要咁頻撲，叫我試完自己啲衫再陪奶奶過黎，還衫嘅時候都係以我方便行先。😉四大長老都好滿意佢哋嘅衫同服務，有時佢哋心思思想揀多睇啲款式，佢哋職員都會比幾個extra嘅配飾佢哋。Fitting又按佢哋心意做改動，好難唔滿意啦！

我記得係最開始籌備婚禮嘅時候咩都唔知，就問細佬有冇咩介紹或者細資訊。細佬就好似我顧問咁，講咗個參考價錢比我。於是我就按照個價錢，自己再搵有冇適合嘅Pre Wedding公司。🤓見到Red Wedding都好多人搵，佢有一個自己嘅studio，背景唔錯，而且韓式style啱我哋口味，所以就決定搵佢哋影。☺️

一開始接觸佢哋嘅時候，佢哋會好詳細咁講拍攝當日嘅10hrs會做啲咩，我又咩都唔知，真係全靠佢哋安排㗎咋！Red Wedding有個姐姐幫我哋試衫，佢應該都多經驗，一眼望下就知我嘅身型啱著咩裙，好快就揀埋比我。我最多都係同佢講下自己想要咩色，之後就唔洗煩了。🤣仲有唔好以為淨係女仔嘅婚紗先多款式，其實男裝都擺滿成個閣樓，啲款式由簡單到花巧都應有盡有，不過係我哋鍾意簡單咁解。😉

揀好曬衫之後，就到影相嗰日啦。我哋嘅行程就係朝早影studio，晏晝就去獅子會、石澳同赤柱。朝早嘅時候其實我都未訓醒，😴同埋我哋本身又唔係影開相嘅人，好彩攝影師不斷講野帶動氣氛教我哋點擺pose同埋點笑，慢慢適應咗之後就順暢好多了，所以出到黎嘅效果都好好哈哈。😝我記得淨係朝早係studio都已經影咗4-5個景㗎啦，不過其實婚紗相都不外乎係攬下錫下咁，所以我影到晏晝嘅時候覺得有啲悶就同攝影師講可唔可以唔好再錫，轉下其他。攝影師都唔會話有hard feeling，只要我肯出聲，我有要求佢就會即刻應變。😆

其實佢哋真係好好嘅，不過呢我同老公影完返去都好心掛掛，好想快啲睇下啲相或者花絮都好，如果攝影師佢哋可以用手機幫我哋快chop幾張，比我哋止下癮就好。🙈不過都係建議姐，佢哋已經都好好㗎啦。石澳嗰邊啲大石要行上去都好煩，好似爬山咁爬，更何況佢哋係要攞住器材一齊行呢。佢哋仲會預先提我叫我唔好著住高跟鞋，真係好細心㗎。至於化妝師都係好熟手嘅，而且會全程跟得好貼。我每影一個新景佢就會轉一次妝容同髮型，就算當日好熱好曬，妝容都keep得好好㗎。🤤唉，本來諗住日本影一次，香港一次，依家疫情搞到咁就冇得去日本啦，不過好彩嘅係搵到Red Wedding，佢哋都幫我哋影得好靚。