依家回想返自己籌備婚禮嘅過程同後續都好感恩，可以搵到咁多好好嘅公司，而且完咗婚禮之後仲可以好似朋友咁keep contact。Red Wedding就係其中一間我仲會保持聯絡嘅公司，我影相後半年仲有買嘢上去請佢哋食添！😉

嗰陣時見到Red Wedding個feel幾啱我同老公心水，就去問下佢哋啲職員、聽下介紹啦。發覺原來style同價錢都幾好喎就好快決定好，成個過程係冇任何hard sell嘅。👍🏼當初搞婚禮嘅時候咩疫情都冇，所以係去韓國影婚紗相嘅。不過其實一開始都未諗好去邊個國家㗎，係Red Wedding佢哋嘅同事問我鍾意海、草地同cafe。☕咁我同老公就鍾意啲casual少少，生活化嘅主題，然後佢哋就推介我去韓國。諗返起我都係冇乜準備，聽好多新人講佢哋都係好早以前就mark實啲攝影師，但我就唔係嘅，好多嘢都好rush先來搞，🤪所以搵到佢哋都好好彩。

有次上去試衫，佢哋個姐姐係超級超級nice，我唔係好識著啲婚紗內衣都係佢幫我整（不過都要我唔怕醜嘅）🙈，佢又會按照我身型同要求（我想要輕婚紗）來揀一啲合適嘅婚紗比我，而輕婚紗都係有好多選擇嘅。女仔嘅選擇係好多嘅，不過如果男仔嘅選擇都可以多返啲就好。😗

我記得去到韓國果度影相嘅時候，攝影師係台灣人，佢好勁又好好人，知道我老公面對鏡頭會比較僵硬，就會少啲要長望鏡頭嘅相，我老公都輕鬆少少，出到來個效果自然好好，同埋好中我要日常風格嘅要求。😍而化妝師係香港人，雖然我冇試過妝就即刻黎料，但係都好滿意，因為我好怕濃妝，但係化完見到係自己個樣都安心好多。😏係化妝師同攝影師嘅加持底下，啲相嘅效果好fancy，靚到我要帶埋去峇里島擺big day。💞而佢哋嘅相簿係整到好似magazine咁，唔會比人硬綁綁嘅感覺。我當時嘅package係包20張精修，再執相就要加錢，但係所有相片原檔都會比曬我哋。我聽我啲朋友講話未必間間公司都會比晒所有原檔㗎，佢哋真係好nice啊！

我係婚展幫襯Red Wedding，$9000/9套係幾抵，包括婚紗、老爺奶奶嘅衫、新郎衫、裙褂都可以，任由自己配搭。不過啲衫睇相幾好，但去到睇時就覺得啲款式好outdated，揀唔落手，得啲裙褂靚！因為唔比退錢，只好用做晒嚟租老爺奶奶、老公嘅衫。佢啲褂係幾靚，但我都加咗$6000去租。婚紗就唔太啱我，因為我鍾意蕾絲款式，但佢地就無乜蕾絲款，比較老土。

不過佢地service好好，雖然我話過想退錢，但因為婚展上我已經比咗訂金，我都明白唔退都好合理。我話想要蕾絲款，佢地就搵晒全間舖嘅蕾絲款比我，純粹係d款老土我自己唔鍾意，唔關佢地事。間舖有好多嬸嬸喺度做，佢地服務好貼心，服務得我老爺奶奶好滿意，幾啱傾！四嬸係負責由頭跟到尾，我最後都有比tips佢！d衫夠貼身又乾淨！