我地行婚展見到佢地啲display都靚，所以就揀咗佢地～u3000我地個package係$6888包7件衫，但後來落到舖頭揀衫嘅時候就唔多啱心水既衫，睇相或display覺得靚個啲都要加錢！本身個package都包埋褂，但款式就唔太啱，所以我無揀到。 整個過程我地都覺得佢地係好睇錢，同埋好想我地再extra加錢揀衫。初頭態度係幾好，開咗個wtsapp group做聯絡，一開始約時間既時候係有人應機，但後來就無人應，最後忍唔住都要打上去佢地公司先有人理。有次我地想約星期日上去試衫，但係佢地就話嗰個星期日佢地要婚展，無人serve我地。好啦，咁我就約前一日上去試衫，點知去到佢地竟然話如果我地加衫既話就聽日黎啦，我都幾愕然！！點解好似要加錢你先理我地？ 最後我地都無加錢揀衫，package包啲衫既款唔太新穎，有少少老套。不過好在質素方面就唔算殘，都幾新淨。

㨂呢間係因為嘅價錢合理，同埋啲料同款式都好合適。最後嘅成果同想像一模一樣。西裝外套、西褲、恤衫、馬甲、bowtie、劍呔、腰封各一，成set其實可以著兩款，配件都好齊。