我哋最吸引到我哋嘅公司係 Red Wedding，佢哋嘅講解比較詳盡，對於我哋嘅疑問，佢哋都好樂意解答，而且我哋好多細節位或者要求，佢哋都好願意花時間聆聽，唔會催促我哋，好欣賞佢哋嘅服務態度，以客為先。我同太太都覺得好舒服，配套又ok，就一次過喺到買咗 Pre-wedding+Bigday 嘅攝影服務 。📸

Pre-wedding 我哋就影咗室內同户外嘅景，其實開頭嗰陣我哋都好擔心天氣唔穩定，因為陰天都改咗兩次期，所以去到當日戶外拍攝我哋都好緊張。攝影師都好friendly，會搞氣氛放鬆我哋嘅情緒。攝影師對於拍攝嘅成品都有一定嘅要求，我哋都影咗好長時間，應該差唔多到夜晚7點。收到啲相都好滿意，同我哋一開始嘅expectation係符合嘅，因為我哋有提出想有比較陽光嘅feel，喺呢方面光線，角度都拿捏得好好，感受到攝影師嘅用心 。❤️ Red Wedding 就安排咗另一位攝影師負責我嘅 Bigday，佢做嘢都好快手又好有條理。我哋從早影到晚，中途又影外景，攝影師都全程保持笑容，跟住我哋rundown行，完全冇乜點休息。👏🏻 團隊都好有經驗，影大合照都會幫手我哋排好啲凳，幫手我哋排位，又間唔中講吓笑話引啲親戚朋友笑，成日落嚟都好smooth。即使有啲賓客攞手機麻煩佢哋幫手影幾張靚相，同事都ok，唔會表現好厭煩，我覺得呢點好好啊，服務好周到。🥰 我太太其實喺拍攝嗰陣就希望啲相望落冇咁單調，所以自備咗好多小道具，攝影師都好配合我太太，而且又會俾我哋自己擺返想要嘅pose，好尊重我哋意願，呢點我的確好滿意，最緊要我太太開心！

我覺得 Red Wedding 嘅服裝方面款式都特别多，尤其係女士嘅選擇勁多，好多唔同嘅設計，類型都好齊全，男士方面亦都有唔少選擇，唔同尺碼嘅新人都一定可以揀到啱自己身型嘅衫。據我所知好多公司喺試衫會有好多rules，但係 Red Wedding 完全冇限制任何嘢，想試幾多件都得，又有專業同事可以為新人推介適合嘅款式，俾啲suggestion我哋參考。我哋本身屋企啲老人家都係喺度租衫，所以都花咗好長時間，佢哋都唔會逼我哋要盡快揀定，後期我哋換咗幾款，同事態度依然好nice，好快手幫我哋處理好，呢一樣的確令我好驚喜🤩 好慶幸可以搵到 Red Wedding，我哋非常滿意佢哋嘅服務，感受到每位同事嘅熱誠，相處上好融洽，同事嘅耐心，服務態度係非常難得嘅，package方面又可以俾新人好大嘅自由空間。我同太太每次睇返啲相都覺得好滿意，啲相嘅水準好高，好開心可以認識到Red Wedding。

最初我就睇中一間比較多人推介嘅攝影公司，不過佢嘅景好少，價錢又接近4萬蚊，我就同先生再繼續搵其他公司，咁啱見到 Red Wedding我幾鐘意，我就去詳細了解啲資訊，價錢方面 Red Wedding 都比較符合我嘅預算，最主要係佢哋景點嘅選擇超多，起碼有百幾個，好多元化，基本上乜風格都齊曬，連我最中意嘅韓式都有🥳！

全程serve我哋嘅係Bowie，開頭我仲以為佢係為咗sell我先咁nice，相處落嚟，原來佢為人真係咁nice，又好helpful。佢好清楚新人可能會有好多問題，所以Bowie都會主動解釋清楚每一part俾我哋了解，仲會問我對價錢仲有乜顧慮都可以盡量提出，佢都可以幫我哋再調整。攝影師都好好，幫我哋編排啲行程，一早就先喺studio到影，晏晝再去影外景，咁樣就會smooth啲。影外景大家最擔心就係落雨，天氣唔好，點知後尾真係落雨，不過攝影師好快就已經諗好應對方法，啲相都睇唔出落過雨，我覺得好有技巧🤩！我total就去影咗兩個外景，好多都喺studio到影嘅，景嘅選擇真係好多。我哋揀咗6個景點嚟影，最後見仲有啲時間，攝影師都建議都建議我哋不如影多幾個景，又會推薦我哋一啲熱門嘅景，好了解新人會鐘意啲乜。👍🏻

我哋收到相簿之後都好滿意啲相，攝影師嘅手法好獨特，我哋當場就同同事book定我哋婚期嘅slot指定要呢位攝影師幫我哋影Big Day！❤️ 拍攝前，其實我都有send個list俾攝影師，入邊就有我拍攝會着嘅衫，同埋我想要嘅pose，想要嘅feel，佢都有記低，睇得出對新人非常上心。 無論燈光，角度，人像嘅位置都拿捏得好好，教我哋擺啲pose，又提醒我哋啲雙下巴要點收，令我哋都唔會手足無措，拍攝過程好relax。成品嘅效果係好自然，好多朋友睇完都以為我哋去咗好多景點。😚我都透過 Red Wedding 嘅介紹之下認識到化妝師 Suki，佢哋同 Suki 已經合作過好多次，拍攝當日都係由 Suki 幫我化，我將我要嘅妝容話咗俾佢知，佢都好犀利，一講就已經get到我要嘅嘢，好快手幫我化好！另外，我覺得 Red Wedding 嘅修衫師傅都好有經驗， 師傅 Lisa 會同新人喺Bigday前約時間confirm final size，又會即場試完就改，我自己做服裝類嘅工作，所以對件衫嘅cutting比較有要求， Lisa都可以滿足到我嘅需求，佢嘅手勢好有功夫，一定係用好耐的經驗累積返嚟👍🏻 我哋之後都有喺其他booth到遇到啲同事，佢哋都認得我哋，仲share好多唔係關於攝影嘅婚禮經驗俾我哋，同事都超細心，真係幫輕我好多，就連件婚紗都係攝影師幫我攞返去studio到還，新人就唔洗第二日再返去。😝