開頭去咗幾個booth對比吓啲公司，有位朋友就介紹Red Wedding俾我，我就直接去到門市到了解。門市啲同事都好nice，介紹咗啲package俾我，Red Wedding嘅package都已經包咗好多嘢。佢哋同事知道我哋係透過朋友介紹嚟，即刻就送咗我一輯可以喺studio影嘅室内相，以呢個咁吸引嘅價位可以影到外地同室内已經令我好難抵抗 😍 ，而當中同事一啲hardsell都冇！

就算我問好多問題，同事都可以即時ontime覆到我，好願意幫我解答，我都覺得好放心。我哋就諗好要去日本京都影紅葉嘅景，我都有share俾攝影師一啲我朋友分享嘅紅葉景點，原來攝影師同化妝師有提早出發去京都到做research搵啲靚嘅紅葉景點，攝影師搵啲景點係勁多紅葉💕。反正攝影師都已經做好曬功課，我哋就覺得不如直接跟住攝影師嘅plan行，相信佢哋都係推介最好睇嘅景點俾我哋！🥰

拍攝期間攝影師都非常細心，會了解我哋嘅喜好同埋需求，咁我哋就想有日本式嘅feel，但係我哋就唔會着和服，但我哋都見到攝影師影得好有日式feel，本身仲有啲驚！😜因為我見到 Red Wedding啲相嘅風格普遍都係比較韓式，不過我哋要嘅風格攝影師都可以做到🤩。 我同先生都屬於比較內斂，少影相，所以初初嗰陣覺得好尷尬，攝影師都會俾啲指引我哋，教我哋點擺pose，影吓影吓就唔覺尷尬喇，反而已經好投入，好輕鬆。😆

 Red Wedding嘅化妝師都幾好，妝化得好自然，影外景免不了頭髮會吹散，妝會融，佢都一直幫我整理，跟得我好貼，好多時候我唔方便嘅嘢，都會幫手我，好照顧我❤️。 除咗化妝師，攝影師我覺得好好，好nice之外，我都想稱讚幫我揀婚紗嘅同事，一開始我就想搵魚尾款，婚紗款式嘅選擇都好多，但係我試完幾款都冇我想要嘅效果，當時我就同同事講，假設我搵唔到啱嘅，我就去出邊租其他婚紗。同事就攞咗件未開放出租嘅新款俾我試，我第一眼就好鐘意條裙😍 ， 條裙尾設計有少少透視再加我要嘅魚尾設計，同事都話咁鐘意就試吓先喇，咁啱fit到我嘅身型，所以我就直接揀定要呢款。

我之後都有上網做啲research，原來件裙同鋼琴大師嘅老婆係同款，好幸運可以着到名人同款，好感激同事未開放都可以俾我租先🥹。我去拍攝就順便都去埋旅遊，大概10日，同事都話等我返嚟再還件婚紗都ok，而且時間方面都會遷就返我。 我本身嘅婚期就喺新年期間，影完紅葉嘅季節，其實時間上對於 Red Wedding嘅同事嚟講都有啲緊迫，但佢哋都應承一個星期之内可以俾我哋揀相，做嘢好有交代，嗰一刻我都覺得好安心，好多方面都盡量滿足新人。相嘅效果係比我預期仲靚，仲完美。我哋睇相睇咗好耐，同事都冇催我哋，反而自己去忙其他嘢，等我哋自己揀完再幫我哋望一望，仲會建議我哋反正都已經買曬啲相，不如加多幾張相擺入相簿到，令排版嘅內容可以豐富啲。成個過程都好愉快，舒服，同事做嘢又有效率，Bigday前都已經收到曬所有作品，超快手！

我哋係婚展見到Red Wedding本地攝影嘅價錢幾吸引🤩，但又想試下海外攝影，見到佢哋有沖繩婚攝，就去咗搵sales Kaka傾。Kaka一開始係問我哋有咩要求先，個一刻已經好體現到佢哋嘅服務態度，唔會以sell人為先，而係了解咗客人需要先。加上，佢話可以好快交到相俾我哋，又match到我哋嘅婚期😌，於是就揀咗Red Wedding。

Red Wedding 最好嘅地方係，可以俾我瘋狂試衫🤣，冇硬性嘅時間限制。佢哋會先俾我哋睇咗相先，再按照我嘅要求篩選啲適合我嘅裙出嚟，呢一種服務真係好難得。而且我都好相信佢哋staff嘅眼光，佢哋介紹咗幾條俾我，最後我都係有揀到嘅。Prewedding之前，攝影師阿B已經有事先打電話問我有啲咩想影🥴，又問唔同嘅裙想配乜景等。我個人就冇乜想法，行程所有嘢都係靠阿B幫我安排好，三套衫配咗三個景，做晒充足嘅準備。即使中間有小插曲要臨時轉地點，阿B都可以即刻諗到另外一個地方替代，睇得出佢係應變能力好強同埋有經驗👍🏻。

拍攝當日，因為冇得試妝，所以我都驚化嘅妝唔啱我心意。但好好彩化妝師Jessica事先都已經同我講解過，而化出嚟嘅妝效我都好滿意🥰，黐嘅眼睫毛同埋唇膏都好long last。而且佢幫我先生化嘅妝都好好睇，靚仔咗皮膚望落去好好多😚。因為我自己本身少影相嘅，而且都唔太鍾意露齒笑，但係阿B同Jessica會不停咁鼓勵我，俾咗好大嘅信心我😆，令我易warm up啲，同佢哋影相嗰陣都有傾有講，笑容就自然咗好多️。雖然拍攝過程中出現咗小插曲，我唔見咗隻耳環，亦都好心急。結果，佢哋花咗半個幾鐘頭幫我搵返隻耳環，又會不斷安慰我🥺。而我哋後來都轉咗去另外一個地點拍攝，最後出嚟嘅效果都係咁滿意💯。 最印象深刻嘅係，我著住staff推薦嘅藍黑色晚禮服係軍人村影相，咁啱我先生著咗粉紅色西裝黎襯我條裙，而我哋隔離又有啲壁畫，🌈成個畫面好colorful，所有嘢都match得好好😍，啲相靚得嚟又獨一無二，我先生都特別鍾意呢一輯相，Red Wedding仲話想將我哋嘅相擺喺舖頭度展示添🤪！我依家仲打算big day都搵阿B幫手，我哋真係好鍾意佢幫我哋影出嚟嘅相💕！