之前有朋友喺Red Wedding影過prewedding，覺得唔錯介紹比我，而我就想指定返幫我朋友影過相嗰一Team人，Kaka都滿足到我嘅要求，幫我安排，仲建議我可以帶一套自己嘅衫去影，造型會特別啲，而價錢有優惠😝，加上朋友影過都比到信心我，於是就揀咗Red Wedding。

我哋預約上去試衫都幾方便。因為我平時返工比較難就到時間，但只要同Kaka講聲，佢就會幫我預約😚。試衫嘅環境都幾闊落，有一個大台同全身鏡，呢種試衫設備唔係間間舖頭都有，試衫時間又冇特別限制。我哋開始係睇相揀款，但款式真係好多🤗，Kaka就幫我介紹簡單大方嘅款式。仲會再因應我同老公嘅身形推薦一啲新款，而且禮服都幾新淨。而試好晒所有衫，佢哋都會幫我哋度多次個身型，影相嗰日所有衫都係好啱身。

化妝師Jessica同攝影師阿B都係朋友之前推薦比我。我幾鍾意Jessica化嘅妝，偏向自然風、簡單清淡，而且佢全日係我隔離，時刻幫我補妝😝。Jessica比較talkative，佢會一直同我哋傾計，間唔中講吓笑話，引我哋笑，令我哋放鬆啲。而阿B攝影師影相技術真係好勁，做嘢好快手，有陣時我表情比較生硬，佢都可以幫我捕捉到最自然嘅一面，好輕鬆咁玩吓就已經影完一輯相😆。睇到相之後，發覺好多相都係我哋不為意嘅時候影，所以出嚟嘅效果好自然，唔會好大眾化。即使阿B喺同一個地點幫我啲影，但佢都可以影出完全兩種唔同風格，感受到佢技術高超同埋好專業👏🏻。

另外，我覺得Red Wedding嘅室內佈景好大好靚，一開始影室內景都夠我哋玩好耐，又有好多道具。就算影外景，佢哋都準備好多小道具帶出去比我哋，例如係我最鍾意嘅沙灘景🏖️，佢哋會準備埋野餐墊，仲會點晒蠟燭，營造氛圍，我哋只需要自備一啲氣球🎈就得，啲氣球都係助手幫我哋充埋氣🤣，所有嘢都準備得好充足。所以，當日整個拍攝過程係非常順利👏🏻，基本上係影完一個景之後，下一個景嘅佈置就已經準備好，一切都安排得好smooth，仲有空餘時間比我哋食lunch，所以我真係好滿意。

我哋行婚展認識到Red Wedding，咁啱當時我哋買咗個機票去日本，而Red Wedding又可以夾到我哋嘅期喺日本影Pre-wedding。除咗價錢優惠之外，Red Wedding嘅攝影風格我都鍾意，所以我哋就選擇咗Red Wedding去日本影Pre-wedding。當時同我介紹package嘅係Kaka，佢好nice，好專業又好有經驗👍🏻。我起初咩都唔知，都係Kaka詳細同我講解，雖然我只係join咗影Pre-wedding，但當Kaka知我哋對big day嘅嘢都唔係好清楚，佢都會同我哋講埋，佢真係好好🥰。

之後我哋去揀衫，覺得佢哋款式特別多😍。佢哋嘅同事都好friendly，試衫嘅過程好舒服，而且想試幾多件都得，仲比咗好多專業嘅意見我。例如我影外景想揀魚尾婚紗，佢哋會建議我影外景揀輕便啲嘅婚紗會比較方便走動，我覺得佢哋諗得好周到😆。

到拍攝當日，我有四套禮服，化妝師每次都好快幫我轉妝同set個頭🥳。我其中一套係和服，我冇諗過化妝師連set和服嘅頭都識，仲可以set得咁靚，畢竟唔係個個化妝師都識set呢一種頭，呢一樣的確令我好驚喜🤩我都好滿意。而且佢為咗個效果靚啲，佢仲執咗一啲鮮花，插喺我頭上，出嚟嘅效果又真係好襯好靚🥰。因為我哋拍攝嗰陣係冬天，我每次一影完相化妝師都會即刻幫我著返件衫！佢仲驚我件外套唔夠暖，仲除埋自己件羽絨外套比我。佢仲會喺我哋影相嘅時候，幫我哋拍片記錄，真係勁窩心😘。

而我哋嘅攝影師就係一個好搞笑嘅人，佢會教我哋擺pose，成個攝影過程都好輕鬆🤗。本身我哋想影全部都係搞笑風格，但攝影師就建議我哋婚紗相點都要有啲甜蜜恩愛嘅相，所以幫我哋影咗啲甜蜜嘅相，再滿足咗我哋嘅要求影咗啲搞笑風格😂。我哋主要係喺京都影，而攝影師都好熟路，plan行程個陣仲比咗好多專業意見我哋。本身我哋有諗過去渡月橋同奈良，但攝影師話佢前幾日去渡月橋視察過，覺得個到太多船，影出嚟效果冇咁靚。而奈良路程就太遠 ，建議我哋唔好浪費太多時間喺車程上，留返多啲時間影相📸️。佢真係好貼心，諗得好仔細🤩，我哋都好信任佢。另外，攝影師建議我哋早上第一站就去二年坂影，佢話上早九點前二年坂冇咁多人，九點後就會好多人，我哋去到果然又真係冇咩人，所以影出嚟效果好靚👍🏻，效果好滿意💯！