話說有一日我心血來潮諗住去婚紗街window shopping下，經過Red Wedding見到四嬸，了解咗原來佢哋遲啲係婚展有promotion，四嬸當日純粹就係叫我如果有時間都可以去婚展睇睇再考慮下。😆其實我本身已經join咗另一間pre wedding㗎啦，不過見佢哋sample唔錯，而且另外一間係純outdoor，咁就不如試埋啦～ 😎

之後再去到舖頭佢哋同事會比電腦我睇model嘅相，揀嘅時候又會講明邊啲衫係新邊啲係舊。同埋最好一樣野係任我試，甚至係我試到攰佢哋都依然好精力充沛咁叫我繼續來。🤪我想要型格風，總之就係唔要花花、唔要粉紅色，咁就揀咗白色西褲。果度嘅同事話我知套西裝比model著完之後都應該冇其他新人著過，咁一定好新淨啦！😗男裝嘅款式都係數之不盡，多到要專登擺係另一個舖位，行一陣先去到。不過我就唔辛苦嘅，都係行好短路程姐，但係啲職員就要攞住啲衫走來走去啦～😂

影相當日我同攝影師、化妝師都相處得好好，成個流程都好順暢。可能都係因為我好清楚自己想要咩嘅性格有關，我一來就同化妝師講我嘅要求，咁化妝師都可以將我嘅要求一一呈現。🤔攝影師有盡到責任教新人擺pose或者比guideline嘅，但我就鍾意啲趣怪表情，所以好多時候都係自由發揮，攝影師都好樂意見到咁嘅情況，同時都好願意比我做決定。😚除左影型格風之外，我哋都有啲係韓式浪漫感覺嘅相，始終都係想多元化啲！😜同埋其實我哋都有影外景㗎～佢哋亦都好welcome新人著便服，唔會拘泥於傳統婚紗上。🤗 同依隊crew合作令我感受到我嘅自由度好大，咁當然如果係冇咩方向嘅新人都可以聽佢哋嘅指示嘅！🙆🏻佢哋都好唔吝嗇叫新人影新場景，例如係土耳其主題同星空主題🌌，而且佢哋會提供好多道具比新人，真係好有feel。

我自己就冇特別鍾情於某一種風格，當初都係見到Red Wedding一條龍包曬衫、攝影同化妝，性價比好高，而且網上個評價都好正面。於是乎就係facebook聯絡佢哋，輾轉之下就去咗間婚紗舖頭傾，都好快決定咗用佢。🤓

我對佢哋室外相嘅效果同安排會比較滿意。我哋拍攝嘅地點係城門水塘，但原來普通車要入城門水塘係要禁區紙，如果唔係就要好辛苦行入去。但係Red Wedding係依方面就令我覺得處理得好好，佢哋會整埋禁區紙，咁我就可以輕輕鬆鬆坐車入去，如果唔係著住大拖尾行真係諗起都辛苦。🤯同埋其實我當初係比佢哋城門水塘果輯嘅sample相吸引咗，所以落單嘅時候我哋都揀返果輯相嘅婚紗，同埋都要求佢哋安排返影城門水塘嘅果位攝影師，咁佢哋都好樂意幫我安排，質素自然係有保證啦～而係影相嘅時候攝影師又會指導我哋，成個過程都好流暢。最後出到來啲相都好靚，我哋都有整咗油畫同埋擺係相簿度，大家都有讚靚！

除左影相質素高之外，Red Wedding嘅同事都係冇得頂。嘉嘉由落單到影相全程follow我，有咩疑問都可以幫我解決到。試婚紗嘅同事好殷勤咁幫我篩選適合嘅款式，好願意比我試不同款式，就算最後係啱定唔啱都好，都好感謝佢哋嘅用心。😉另外就係除左婚紗之外，佢哋嘅男裝都唔少，而且好新淨又會有同事幫手做fitting。化妝方面，化妝師會問我想要咩嘅妝感，好take care我塊面。攝影師影相勁之外仲好樂意配合我嘅想法，例如係我想影啲落雨擔遮相都會幫我影。😗但有少少美中不足係，佢哋個studio應該係主打韓式，不過我就覺得個場景唔夠韓，如果可以盡量做到真實啲唔好咁場景feel就更好了。

而最令我感恩嘅係我結咗婚之後，早幾個月發現唔見咗佢哋比我隻USB，啲相都係曬入面，真係好擔心。但係佢哋知道咗之後就即刻幫我睇有冇keep record，最後可以攞得返啲相，真係好appreciate呢樣嘢，如果唔係佢哋我就得返本相簿，無晒啲相，真心非常多謝佢哋。😭😭😭