我係喺公司 annual dinner 認識到 Alan ，之後我就留低咗佢嘅聯絡方式，覺得可以考慮佢做我哋 Big Day 嘅 MC🥰。之後聯絡 Alan 嘅時候，佢好細心咁同我哋講解整個婚禮流程，仲提醒我哋有啲需要留意嘅地方。雖然嗰陣未正式 confirm 搵佢做 MC，但佢冇任何保留，好願意分享細節，令我哋對大日子有個大概嘅概念，心情唔會太緊張😚。佢主動提供啲informarion俾我哋，但又俾我哋空間諗，感覺好舒服，好信任佢。成個籌備過程，Alan 都好主動參與，好細心。我哋喺海外舉行婚禮，佢唔單止喺婚禮前一日同酒店開會確認細節，仲會陪我哋行場地、了解交通安排，幫手同兄弟姊妹夾或者其他流程細節。婚禮當日，佢好細心地安排每一個環節，清楚每個細節位，令我哋完全唔洗擔心同記好多野，安心享受當日🙌🏻。 Alan 真係好貼心，由朝早中式出門開始就一路陪住我哋，幫我哋留意影相畫面，甚至照顧親友嘅情緒，令整個氣氛自然又輕鬆。同埋佢好主動幫我哋打點所有野，令我哋完全可以放心將好多溝通或者細節交俾佢處理。由於我哋係海外婚禮，唔少事情自己都處理唔切，但 Alan 會主動問我哋需唔需要幫手，甚至連歌單或者其他小細節都會協助，務求令成個流程順暢🥳。

Alan 既有經驗又細心，令婚禮當日都非常順利，心情好放鬆，我哋可以真係享受自己嘅大日子🥳。Alan 真係好主動同貼心，佢會企喺我哋角度去諗，知道我哋可能有啲事情需要幫手，但唔想麻煩人，佢就會自動承擔呢個角色，幫我哋分擔負擔。尤其係婚禮前一日，我哋先由海外去到酒店，有啲攰又要處理好多事情，Alan 就幫手安排好，令我哋第二日精神啲、更加享受 big day。 事前，Alan 亦都有提供啲輔導同建議。我本身係個好緊張細節位嘅人，好擔心當日自己會好似working mode咁，所有嘢都要親力親為。Alan 就提醒我，當日可以盡量交俾身邊嘅人去處理，自己就去享受當下🌟。Big Day當日，即使我仲係執緊啲細節，佢都會提醒我可以嘗試望望身邊嘅人，感受同親友嘅互動同情緒，令我可以投入同享受嗰刻。 Alan 仲幫埋兄弟姊妹手，令大家可以輕鬆啲，唔會緊張或者唔知點做。Alan 嘅專業、細心同貼心，令成個婚禮過程非常順暢，我可以真係放鬆、全心投入同屋企人，另一半嘅互動，令當日更加難忘🥹。

第一次同 MC Alan Li 溝通嘅時候，已經覺得佢幾好傾。佢講嘢清晰、有條理，態度亦都好得體。佢會主動了解我哋想要啲乜、有啲乜係唔可以講，又或者想用咩 approach 去做成個婚禮流程，感覺到佢真係願意配合新人，而唔係一味跟自己嗰套。Alan連服裝方面都會主動問我哋有冇要求，亦會提前同我哋確認流程同細節🥳。呢啲位都令我覺得佢好有經驗，又好細心，清楚知道新人通常會介意啲乜。到咗 Big Day，Alan 嘅表現比我想像中更加好。佢唔單止係企喺台上講嘢嘅 MC，而係全日都好主動幫我哋手。無論係影相、同其他 vendor 協調，甚至有啲未必屬於 MC 本份嘅事情， 佢都會主動去幫🥰。當日Alan仲早過預定時間到場，令我哋成件事安心咗好多。當日成個流程入面，只要有需要佢嘅地方，佢都會自動行出嚟幫手，唔洗我哋特登開口。呢一點我覺得好重要，因為婚禮當日新人真係會好忙，有一個肯主動幫手嘅 MC，成件事會順利好多🌟。至於Alan講嘢嘅節奏、語速同咬字，都好得體又舒服，一切都好配合當日嘅氣氛。整體嚟講，Alan 全日嘅表現都好穩定，佢由頭到尾都好 helpful，令我哋印象深刻。Alan會用自己嘅經驗幫我哋諗點樣配合其他 vendor， 令成個婚禮更加順暢。總結嚟講，我會覺得 Alan 係一個好值得推薦嘅 MC，唔止做好自己本份，仲會額外幫新人諗多一步💕！