我當時去朋友婚禮做賓客，親眼見到 Alan 做 MC，全程感覺好順暢又自然，佢嘅主持風格亦都好啱我哋。所以之後就冇特別再比較其他 MC，直接揀咗佢。 婚禮前同 Alan 溝通嘅時候，已經覺得佢好好傾，亦都好願意聽我哋嘅需要☺️。我哋喺婚禮之前同佢見過兩次面，每次佢都好認真了解我哋嘅安排，同時會主動問清楚有冇啲地方需要佢特別注意，呢一點我覺得佢幾用心。 婚禮當日，Alan 嘅表現令我好放心。成個婚禮過程入面，如果出現任何突發情況，佢都會即刻同我哋溝通，並主動幫手諗方法解決。當日我哋真係好忙，新娘新郎根本分身不暇，有一個咁負責任嘅主持幫我哋處理外面嘅事情，真係好重要🙌🏻。我哋嘅婚禮係三語進行，包括廣東話、普通話同英文。Alan 喺語言轉換方面好靈活，會因應現場情況即時作出調整，完全唔會覺得突兀。呢一點我覺得好專業，亦睇得出佢好有經驗。另外有一件事我印象都好深刻。本身我哋原定喺戶外進行其中一個環節，但當日天氣太熱，需要臨時改返喺室內。Alan 即刻幫我哋重新 set 過背景同run down，反應好快，又好冷靜，令我哋新人可以安心好多，唔洗太慌張。我對 Alan 嘅服務非常滿意。佢細心、負責任、臨場反應快，亦真係幫到新人🥰！

我哋揀Alan之前，其實都有搵過同了解過其他 MC，唔係即刻就作出決定。最後揀 Alan，主要係因為知道佢過往做過唔少唔同類型嘅司儀工作，感覺佢都好有經驗夠，相對比較放心。 第一次同佢見面開會嘅時候，印象都幾好。佢好守時，甚至早過約定時間到，感覺佢係一個做事有交代、會預早準備嘅人。成個 meeting 入面，Alan都會主動同我哋一齊睇 rundown， 同時俾到實際嘅建議，真係有諗過成個流程點樣行會順啲🌟。 有啲環節例如 march in，本身我哋冇特別諗過可以有咩變化，但佢會提出一啲我哋未必自己諗到、但又實際可行嘅做法。唔係話好創新或者好誇張嘅 idea，而係一啲配合時間同流程嘅小調整，呢點我覺得幾有用。成個溝通過程都幾輕鬆，好似朋友咁討論，唔會令人有壓力👍。去到 Big Day 當日，其實我自己大部分時間都喺新娘房或者場外，未必成日喺出面睇到佢嘅表現。不過開席前同婚宴進行期間，Alan都會不時入嚟新娘房同我更新外面嘅情況，例如流程去到邊一步、兄弟姊妹幾時 march in、律師到咗未等等，資訊都俾得好即時，令我心入面好清楚出面發生緊乜事🤪。因為當日我唔方便成日行出行入，有時真係需要有人幫手傳話，Alan 都可以做到一個中間人嘅角色，有需要嘅時候搵佢都幾方便。整體嚟講，我覺得佢當日都跟得好貼，流程上冇乜甩漏。當日場面都算熱鬧，我哋都唔洗擔心會冷場。我哋覺得 Alan 好專業，我哋都可以放心將當日嘅rundown交俾佢處理～