我喺活動上認識到Alan，當時都有搵過其他MC做對比，最後決定揀Alan係因為朋友都介紹我話一定要搵Alan，佢臨場反應好好又好快，一定可以照顧到新人，幫新人hold到嗰場，再加上婚禮好多時候都有好多蝦碌嘢出現，有位MC可以有人lead住我哋。😂 溝通嗰陣我都發現佢對婚禮流程非常熟悉，Alan會先問我哋一啲相識嘅經歷，有冇特別想講嘅嘢。佢都會幫手睇吓我哋嘅rundown，逐個細節同我傾，又會從中俾啲suggestion我哋，我哋都比較有方向知道要點去執行啲準備功夫。

我哋對於籌備嘅嘢唔熟，Alan都擔任埋planner嘅角色，俾咗好多指引我哋。前期功夫佢做得好仔細，有時候我哋注意唔到嘅嘢，佢都會提點我哋，呢方面我同太太都好欣賞佢嘅attitude，人又nice，覺得好安心將婚禮交俾佢。💯 婚禮當日，我哋就有少少插曲，我臨時就加咗好多圍數，多咗好多親戚朋友嚟，所以影相環節嘅時間方面就需要再夾一夾。Alan喺好緊迫嘅時間入邊幫我哋分好group，一班一班影大合照，甚至有啲親戚突然想上台講返幾句，佢都可以調配到時間滿足我啲guest，氹到老人家好開心🤣，時間上無可否認Alan真係掌握得好好，識得處理唔同人嘅要求，應變能力比一般人仲犀利。

Alan當晚成個表現都好抵贊，咬字清晰，聲線舒服，講嘢好流暢，講故仔嗰陣嘅語氣又好有起伏，帶動到婚禮嘅氣氛，搞氣氛真係好有一手。好多賓客都話Alan好幽默，講嘢又唔會冷場。基本上我哋婚禮進行得非常之順利，我同太太都好滿意Alan嘅表現，做得非常好，透過同賓客嘅互動，帶動出整體氛圍，我哋都好開心可以搵到 Alan！❣️ 

我本身參加過 Alan 主持嘅活動，對佢嘅印象唔錯，又好識搞氣氛，再加上有朋友都識Alan，感覺佢都好穩陣，所以就直接搵咗 Alan。😆 溝通嗰陣，Alan都好細心，除咗會問我哋相識嘅故事，仲會同我哋確認清楚婚禮上嘅一啲細節，佢仲會提前編排rundown，令當日可以smooth啲。Alan都係一個比較健談嘅人，所以同佢相處都好舒服，最緊要係佢好pro，俾到我哋一種安全感，有種support住我哋嘅感覺。

我哋就join咗最長時間嘅配套，從朝早由我太太屋企開始到夜晚婚宴都係 Alan 幫手我哋安排啲流程，成日落嚟佢嘅表現都好好，語速有起伏，聲線又舒服，講啲嘢唔會太over，但係又好搞笑，拿捏得好好，大家都好開心！❤️ 有啲朋友事後都有搵我攞佢contact，話一定要搵 Alan 做 MC。

一個好嘅Mc真係可以幫輕到新人，因為之前我有位親戚結婚，請咗一位冇經驗嘅Mc，令到所有嘢都好失控，所以我一定要請返個有經驗嘅MC，喺關鍵時刻可以幫助到新人，可以lead住新人應該點做。👍 好開心可以搵到 Alan，呢個價位真係超值，成個婚禮都進行得好順利。因為我希望婚禮唔會有delay，Alan都咗啲建議我，話有啲環節其實可以group埋一齊，仲預先同啲兄弟姐妹夾定一啲環節嘅時間編排，做一個leader嘅角色俾啲指示大家去follow。佢真係超有經驗，會準備好一啲後備方案面對突發情況，睇得出佢對於MC嘅工作非常熟悉。證婚嘅時候我當時未ready好誓詞，Alan都好貼心，準備定誓詞稿俾我哋，話如果覺得ok就可以直接跟住張稿讀，又幫我同太太再reherseal一次，俾我哋有個心理準備，本身完全冇expect過佢會做埋呢啲嘢，好加分。🥰 Alan真係將時間控制得好好，好多細微位都係佢幫手，婚禮前佢都做咗好多準備功夫，一啲都唔會hea住做，好敬業，非常用心服務我哋。🥰